Bul – arktıkalyq antısıklonnyń áseri.
Sınoptıkter respýblıka boıynsha 11 qańtarǵa arnalǵan aýa raıy boljamyn usyndy, dep habarlaıdy Almaty-akshamy.kz «Qazgıdromet»-ke silteme jasap.
«Qazgıdromet» RMK usynǵan aqparat boıynsha, el aýmaǵynyń basym bóliginde arktıkalyq antısıklonnyń áserinen jaýyn-shashynsyz aıazdy aýa raıy saqtalady.
«Respýblıkanyń ońtústiginde, ońtústik-shyǵysynda, shyǵysynda, soltústiginde atmosferalyq frontaldy bólimderdiń ótýimen qar jaýady, respýblıkanyń ońtústiginde, ońtústik-shyǵysynda, taýly aýdandarynda keı ýaqyttarda qatty qar jaýyp, jel kúsheıedi, burqasyn, kóktaıǵaq bolady. Respýblıka boıynsha tuman boljandy», - delingen «Qazgıdromet» RMK taratqan aqparatta.
Sınoptıkterdiń boljamynsha:
túnde Aqtóbe oblysynyń soltústiginde - 40-41 gradýs óte qatty aıaz;
Mańǵystaý oblysynda - 25 gradýs óte qatty aıaz;
Aqmola oblysynda - 40 gradýs qatty aıaz;
Qaraǵandy oblysynda - 35-38 gradýs qatty aıaz;
Aqtóbe oblysynda - 35-36 gradýs qatty aıaz;
Atyraý oblysynda - 30 gradýs qatty aıaz;
Túrkistan oblysynyń soltústiginde - 25-27 gradýs qatty aıaz;
Jetisý oblysynyń soltústiginde, taýly aýdandarynda - 25 gradýs qatty aıaz bolady.
Astana qalasy – kóshpeli bultty, keı ýaqyttarda azdaǵan qar jaýady. Batystan jel soǵady, kúshi 3-8 m/s bolady. Aýanyń temperatýrasy túnde 35-37°S, kúndiz 26-28°S aıaz bolady.
Almaty qalasy – bultty, keı ýaqyttarda qar jaýady, tuman, kóktaıǵaq. Jel soǵady, kúshi 0-5 m/s. Aýanyń temperatýrasy túnde jáne kúndiz 10-12°S aıaz, kúndiz taǵy sýyta túsedi.
Shymkent qalasy – kóshpeli bultty, túnde jáne tańerteń keı ýaqyttarda qar jaýady, tuman túsedi. Soltústik-batystan, soltústikten jel soǵady, kúshi 8-13 m/s. Aýanyń temperatýrasy túnde 14-16°S, kúndiz 8-10°S aıaz bolady.