Onyń quzyretine óńirdegi memlekettik etnosaralyq jáne dıasporalyq saıasatty júzege asyrý men «Qoǵamdyq kelisim» KMM-niń qyzmetin úılestirý kiredi.
Jandar Turaruly Asan Almaty oblysynyń Etnosaralyq qatynastardy damytý bólimi – Qazaqstan halqy Assambleıasy hatshylyǵynyń basshysy qyzmetine taǵaıyndaldy, dep habarlaıdy Almaty-akshamy.kz Zakon.kz-ke silteme jasap.
Jandar Asan 1990 jylǵy 12 mamyrda qazirgi Túrkistan oblysynyń Túlkibas aýdanynda dúnıege kelgen.
2011 jyly ál-Farabı atyndaǵy Qazaq ulttyq ýnıversıtetin «Qazaq tili men ádebıeti» mamandyǵy boıynsha úzdik bitirgen.
2014 jyly Abaı atyndaǵy Qazaq ulttyq pedagogıkalyq ýnıversıtetiniń magıstratýra jáne PhD doktorantýra ınstıtýtyn «Ádebıettaný» mamandyǵy boıynsha úzdik támamdaǵan.
Gýmanıtarlyq ǵylymdar magıstri. Túrkıanyń jáne Polshanyń jetekshi joǵary oqý oryndarynda ǵylymı taǵylymdamalardan ótken.
Eńbek jolyn 2011 jyly baspa korporasıasynyń bas redaktory retinde bastaǵan.
2012-2014 jyldary aralyǵynda – «KTK» telearnasynyń redaktor-tilshisi, «Habar 24» telearnasynyń baǵdarlama redaktory-júrgizýshisi, «Shamshyraq» qoǵamdyq-saıası gazetiniń bas redaktorynyń orynbasary-jaýapty hatshysy.
2014-2017 jyldary – Taraz memlekettik pedagogıkalyq ýnıversıteti rektorynyń baspasóz hatshysy, rektor apparatynyń basshysy, aqparattyq-ımıdjdik ortalyǵynyń basshysy.
2017-2022 jyldary – Qazaq ulttyq qyzdar pedagogıkalyq ýnıversıtetiniń baspasóz jáne qoǵammen baılanys bóliminiń basshysy, marketıń jáne komýnıkasıa departamentiniń dırektory.
2022 jyldyń qarasha aıynan bastap Almaty oblysynyń tilderdi damytý basqarmasynyń bólim basshysy m.a. qyzmetin atqardy.
Jandar Asan - birneshe derekti fılmniń jáne ensıklopedıalyq jınaqtyń avtory.
Otandyq jáne sheteldik ǵylymı jýrnaldarda 20-ǵa jýyq ǵylymı maqalasy shyqqan. Respýblıkalyq bedeldi basylymdarda 500-den astam pýblısısıkalyq maqalasy jaryq kórgen.
QR Bilim jáne ǵylym mınıstriniń Alǵys hatymen jáne salalyq medaldarmen marapattalǵan.