Eń kóp ajyrasý Almatyda tirkeldi.
Elimiz boıynsha 2023 jyldyń qańtar-qyrkúıek aılaryndaǵy neke qıý jáne ajyrasý kórsetkishi belgili boldy, dep habarlaıdy Almaty-akshamy.kz Ranking.kz-ke silteme jasap.
Derekke sáıkes, 2023 jyldyń qyrkúıeginde 10,8 myń neke tirkeldi. Bul bir aı burynǵydan 24,7%, al byltyrǵy qyrkúıekpen salystyrǵanda 26,9%-ǵa az.
Aı saıynǵy kórsetkish boıynsha bıyl tamyz aıy eń ónimdi jyl retinde tanyldy. Sebebi jazdyń sońǵy aıynda 14,4 myń neke tirkelgen. Al neke eń az tirkelgen aı qańtar, ıaǵnı 7,6 myń. Jalpy, bul qalypty kórinis. Byltyr tirkelgen nekelerdiń eń kóbi tamyz aıynda (15,3 myń), eń azy qańtarda (7,9 myń) bolǵan.
2023 jyldyń qyrkúıeginde 1,3 myń ajyrasý tirkelgen. Bul kórsetkish tamyz aıymen salystyrǵanda 6,9% az, biraq byltyrǵydan 3,5% artyq. Bıyl eń kóp ajyrasý mamyr aıynda boldy, ıaǵnı 1,6 myń. Byltyr mamyrda da eń kóp ajyrasý tirkelip, kórsetkishi 1,8 myń bolǵan.
Jalpy, 2023 jylǵy qańtar–qyrkúıek aralyǵynda elimizde 90,3 myń neke tirkeldi. Bul 2022 jyldyń sáıkes kezeńimen salystyrǵanda birden 8,1%-ǵa az. Onyń 60,2 myńy qala, 30,1 myńy aýyl turǵyndary arasynda tirkeldi. Bul rette neke qıýdy tirkeý qalalarda 9,3%, aýyldyq jerlerde 5,4%-ǵa azaıdy.
Ajyrasýlar sany da tómendep, bıyl toǵyz aıda 8,1%, ıaǵnı 12,4 myńǵa deıin. Bul rette ajyrasýlardyń 73,6%-yn qala turǵyndary qurady: 9,1 myń, 2022 jylǵy qańtar–qyrkúıekpen salystyrǵanda 8,6%-ǵa az. Ajyrasýlardyń 3,3 myńy aýyl turǵyndarynyń úlesine tıdi, bul bir jyl burynǵydan 6,6%-ǵa az.
Óńirler boıynsha 2023 jyldyń qańtar-qyrkúıek aılarynda eń kóp neke qıylǵandar halqy tyǵyz ornalasqan Almaty (9,7 myń), Túrkistan oblysynda (8,7 myń) jáne Astanada (7,8 myń) tirkelgen. Eń az neke Ulytaý (1,1 myń), Soltústik Qazaqstan (2,4 myń) jáne Abaı (2,6 myń) oblystarynda tirkelgen.
Ajyrasýlardyń eń kóp sany Almatyda (1,7 myń), Qaraǵandy oblysynda (1,1 myń) jáne Astanada (1,1 myń) boldy. Eń az ajyrasý Ulytaý (152), Qyzylorda (278) jáne Mańǵystaý (298) oblystarynda tirkelgen.
Bul rette neke qıýdyń eń joǵary koefısıenti Astanada. 1000 adamǵa shaqqanda 7,53. Odan keıin Ulytaý oblysy, onda kórsetkish 6,76 boldy. Neke qıýdyń eń tómengi koefısıenti Túrkistan oblysy men Shymkentte: 1000 adamǵa shaqqanda tıisinshe 5,47 jáne 5,49 boldy.
Ajyrasýdyń eń joǵary koefısıenti Shyǵys Qazaqstan jáne Qaraǵandy oblystarynda (1000 adamǵa shaqqanda 1,37 jáne 1,3), eń tómengisi Túrkistan jáne Qyzylorda oblystarynda (1000 adamǵa shaqqanda 0,29 jáne 0,44) belgilendi.
Jalpy, Qazaqstanda neke qıý koefısıenti bir jyl ishinde 2022 jylǵy qańtar–qyrkúıek aralyǵyndaǵy 6,69-dan 2023 jyldyń sáıkes kezeńinde 6,07-ge deıin tómendedi. Bul rette ajyrasý koefısıenti de tómendedi: 1000 adamǵa shaqqanda 0,92-den 0,84-ke deıin.