JMZJ agenttiń, ózge de aqyly jumysy bar adamdardyń óz qarajaty esebinen 1975 jylǵy 1 qańtardan keıin týǵan jumyskerler úshin ǵana aýdarylady.
JMZJ shamasy JMZJ esepteý úshin qabyldanatyn qyzmetkerdiń aı saıynǵy tabysynan belgilenedi:
- 2024 jylǵy 1 qańtardan bastap – 1,5 paıyz mólsherinde;
- 2025 jylǵy 1 qańtardan bastap – 2,5 paıyz mólsherinde;
- 2026 jylǵy 1 qańtardan bastap – 3,5 paıyz mólsherinde;
- 2027 jylǵy 1 qańtardan bastap – 4,5 paıyz mólsherinde;
- 2028 jylǵy 1 qańtardan bastap – 5 paıyz mólsherinde.
Bul rette qyzmetkerdiń JMZJ esepteý úshin qabyldanatyn aı saıynǵy tabysy respýblıkalyq búdjet týraly zańda tıisti qarjy jylyna belgilengen eń tómengi jalaqynyń mólsherinen kem bolmaýy jáne respýblıkalyq búdjet týraly zańda tıisti qarjy jylyna belgilengen eń tómengi jalaqynyń 50 eselengen mólsherinen aspaýy tıis.
JMZJ-ny QR Áleýmettik kodeksiniń 251-babynda kórsetilgen biryńǵaı tólem quramynda tóleýdi tańdaǵan salyq agentteri úshin jumyskerdiń jalaqysynan biryńǵaı tólem mólsherlemesindegi JMZJ úlesi:
- 2024 jylǵy 1 qańtardan bastap – 7 paıyz;
- 2025 jylǵy 1 qańtardan bastap – 10,5 paıyz;
- 2026 jylǵy 1 qańtardan bastap – 14,1 paıyz;
- 2027 jylǵy 1 qańtardan bastap – 17,4 paıyz;
- 2028 jylǵy 1 qańtardan bastap – 19,0 paıyz bolmaq.
Agent jumys berýshiniń mindetti zeınetaqy jarnalaryn (JMZJ) aýdarýdy qolma-qol aqshasyz tólemder arqyly júrgizedi.
Bankterde jáne bank operasıalarynyń jekelegen túrlerin júzege asyratyn uıymdarda shottary joq, JK, DK-men aınalysatyn tulǵalar, JMZJ-ny keıinnen BJZQ-ǵa aýdarý úshin bankke qolma-qol aqshamen engizedi. Ustalǵan JMZJ Memlekettik korporasıaǵa myna derektemeler boıynsha aýdarylady.