Ata-babadan búgingi urpaqqa mura bolyp kele jatqan ultymyzdyń asyl qazynaly qundylyqtaryn odan ári damytyp, týǵan Otanymyzdyń sapaly ónimderin elge, álemge tanytý maqsatynda qazaq analary barlyq kúsh-jigerin salýda.
Senimdilik – tabysqa jetýge degen boıdaǵy erekshe sezimdi áreketke jeteleıdi. Sonyń saldarynan alǵa qoıǵan maqsat bıik belesterge shyǵýǵa yqpal etedi.
«El anasy» qoǵamdyq qor jetekshisi, alty balanyń anasy kúmis alqa ıegeri Memlekettik granttar utyp, «ArýAı brend» sehyn ashyp, óz kásibin damytyp kele jatqan Áýezov aýdanynyń turǵyny aıaýly jar, ardaqty ana Esenbekova Sandýǵash Myrzabekqyzyn erekshe maqtanyshpen aıtqymyz keledi.
Búgingi tańda «ArýAı brend» sehynda kórpe-tósekterdi naǵyz qazaqı oıý-órnektermen áshekeılendirip jasap umyt bolyp kele jatqan dúnıeni qaıta jańǵyrtý maqsatynda eńbek etip keledi.
Bilim alý qupıasy men qolóner sheberligin qatar alyp júrgen asyl analarymyzdyń altyn ýaqyttaryn bos jibermeı eńbek salasyna erekshe den qoıyp basqa da úıde jumyssyz otyrǵan analardy óz tájirıbesimen baýlyp, kásip bastaýǵa degen keń joldy ashyp berýde.
Atalǵan seh janynan arnaıy oqyp úırený kýrsyn ashyp, kıim tigý salasyn da iske qosyp, biraz analar sol jerde úsh aılyq tegin bilim alyp, jumysqa ornalasýǵa da ári qaraı zor múmkindik bar.
Sandýǵash Myrzabekqyzy óziniń jan-jaqty izdenimpazdyǵy men biliminiń arqasynda «Damýbala» baǵdarlamasynyń aıasynda úıirmeler ashyp búgingi tańda mektep jasyndaǵy balalar jınalyp dombyra, sýret salý jáne bı túrlerinen dáris alýda.
İsker ana óziniń óz tájirıbesin óziniń kásipkerlik jolyn basqa da úıde otyrǵan, qyzyǵýshylyq tanytqan analarǵa kómektesýge daıyn. Bilimi men tájirıbesimen bólisedi.
«El anasy» qory atynan muqtaj analarǵa arnaıy sehta daıyndalǵan kórpe-tósenishterden de úlestirip qaıyrymdylyq is jasap otyrady.
Osyndaı keń júrekti, bilimdi, kásibin dóńgeletip otyrǵan analarymyzǵa erekshe alǵys aıtyp, bolashaqta bıik belesterdi baǵyndyryp, kásipterin órkendeı berýine tilekshimiz.
Búgingi tańda Almaty qalasy, Áýezov aýdany «Baqytty otbasy» baǵdarlamasy aıasynda kópbalaly, az qamtylǵan, tolyq emes jáne múmkindigi shekteýli balalary bar otbasylarǵa arnalǵan áleýmettik ortalyqta jumys istep keledi. Bul atalǵan baǵdarlamanyń kómegimen qanshama muqtaj jandardyń turmys-jaǵdaılary jáne ortalyqtan qyzmet alýshy analar ózderine qajetti baǵyt-baǵdar alǵandaryn aıtýǵa bolady. Ortalyqta tegin psıholog jáne zańger qyzmetterinen basqa «Bıznes boıynsha keńes», «Esep-qısap keńesi», «Óz –ózin árleý, sándeý», tigin jáne kondıterlik sekildi tegin kýrstardy úıretedi. Kásippen aınalysqysy keletin analardyń bıznes ıdeıasyn júzege asyryp, arnaıy memlekettik granttardy qorǵaýǵa deıingi daıyndyq jumystaryn atqaratyn trenerlik kýrstar júrgiziledi. Árbir qyzmet alýshy ana jeke jáne januıalyq jaǵdaıda zańger keńesi nemese psıholog keńesi qajet bolsa ortalyqtaǵy mamandarǵa keledi. Sonymen qatar, mektep jasyna deıingi balalar úshin arnaıy daıyndyq sabaqtary óz kezegimen ótip jatqanyn aıta ketemiz. Onda tárbıeshi, mamandar mektep aldy oqý, jazý sýret salý, jelimmen túrli jabystyrý jumystaryn jasaýǵa baýlıdy. Salaýatty ómir salty, densaýlyq árbir adamnyń basty baılyǵy ekenin eskere kele ortalyǵymyzda bir jasqa tolmaǵan búldirshinderimizge arnaıy maman massaj jasaıdy. Otbasynyń rýhanı qundylyqtary men ata-babadan mura bolyp kele jatqan salt-dástúrleri, ádep-ǵuryptaryn nasıhattaý barysynda árbir kúntizbelik merekelerde arnaıy sahnalyq is-sharalar ótkizilip turady.