Qazaqstanda jyl basynan beri adam saýdasyna qatysty 200 qylmystyq is tirkeldi
İİM Tergeý departamentiniń bastyǵy Sanjar Ádilovtiń aıtýynsha, qazirdiń ózinde 78 is sotqa jiberilip qalǵany tergeýde. Odan bólek, 26 adam sottalyp, úkim shyǵarylǵan. Bul týraly Ortalyq komýnıkasıalar qyzmetiniń brıfıńinde aıtyldy, dep habarlaıdy Almaty-akshamy.kz.
«Bul qylmystar úshin Qylmystyq kodekstiń segiz baby boıynsha jaýapkershilik qarastyrylǵan. 18 jylǵa deıin bas bostandyǵynan aıyrý jáne múlkin tárkileý kózdeledi», - dedi departament basshysy.
Onyń aıtýynsha, adam saýdasynyń sheteldik qurbandary sot sheshimi shyqqanǵa deıin elde bolady.
«Sonymen qatar bul adamdar ákimshilik jaýapkershilikten bosatylady. Bul eńbekke nemese jynystyq qanaýǵa ushyraǵan mıgranttar úshin qolaıly jaǵdaı jasaýǵa múmkindik beredi», - dep qosty spıker.