2024 jylǵy qarashada Qazaqstan sınoptıkteri aýa raıyna qatysty birneshe rekordty tirkedi, dep habarlaıdy aqshamnews.kz.
Qarashanyń birinshi onkúndiginde Qazaqstannyń shyǵys bóliginde oń temperatýralyq fon baıqaldy, birneshe rekord jańardy: 3 qarashada Balqash meteostansıasynda temperatýra +15,9 gradýsqa jetip, 1955 jylǵy rekordty (+15,8 gradýs) jańartty. Pavlodar meteostansıasynda temperatýra +15,6 gradýsqa deıin kóterildi. Burynǵy rekord 1988 jyly tirkelgen, sol kezde aýa temperatýrasy +13,7 gradýs bolǵan.
Qarashanyń ekinshi onkúndiginiń basynda antısıklon Qazaqstannyń basym bóligin qamtydy, nátıjesinde túngi aýa temperatýrasy -11-19 gradýsqa, ońtústikte -5-10 gradýsqa deıin tómendedi.
Ortalyq jáne shyǵys aımaqtardyń keı jerlerinde termometr baǵandary -23-29 gradýsqa deıin tómendedi. 13 qarashada Qaraǵandy oblysyndaǵy Aqtoǵaı meteostansıasynda aýa temperatýrasy -26,2 gradýsqa jetip, 2018 jylǵy rekordty jańartty, ol kezde temperatýra -25,1 gradýs bolǵan, – dedi sınoptıkter.
Aı boıy belsendi atmosferalyq fronttary bar sıklondar respýblıka aýmaǵynda jaýyn-shashyndy jáne jeldi aýa raıyn qalyptastyrdy. Munda da rekordtar tirkeldi.
Aqtóbe oblysynda 1 qarashada aılyq jaýyn-shashyn normasy – 16 mıllımetr tústi, aılyq norma – 18 mıllımetr. 5 qarashada Oıyl meteostansıasynda – 15 mıllımetr, al aılyq norma – 22 mıllımetr. 11 qarashada Kúrshim meteostansıasynda 30 mıllımetr jaýyn-shashyn túsken, aılyq normasy 28 mıllımetr bolady, – dep habarlady meteorologtar.
Astanada qarashadaǵy ortasha temperatýra -3,5 gradýs bolyp, normadan 1,7 gradýsqa joǵary boldy. Eń tómengi temperatýra 30 qarashada -14,8 gradýs bolyp tirkelse, 3 qarashada eń joǵary temperatýra +13,6 gradýsqa jetti. Aı boıy 38 mıllımetr jaýyn-shashyn tústi, bul aılyq normanyń 131 paıyzyna teń (norma – 29 mıllımetr).
Qazaqstandyqtardy ótken aıda jel de tańǵaldyrdy. Mysaly, Aqmola oblysynda 3 qarashada jeldiń ekpini sekýndyna 30 metrge jetse, 6 qarashada Jambyl oblysynda 31 metrge jetti.
7 qarashada birneshe aımaqta qatty jel tirkeldi: Qaraǵandy oblysynda sekýndyna 30-34 metr, Pavlodar oblysynda 30-31 metr, al Jetisý oblysynda 36 metrge deıin jetti. 24 qarashada Jambyl oblysynda jel ekpini sekýndyna 36 metrge deıin jetti, – dep málimdedi sınoptıkter.