Almaty qalasynda ekologıalyq turaqty jobalar úshin qarjylandyrýǵa qol jetkizý máselelerine arnalǵan trenıń ótti, dep habarlaıdy aqshamnews.kz "Halyqaralyq jasyl tehnologıalar jáne ınvestısıalyq jobalar ortalyǵy" KEAQ silteme jasap.
İs-sharanyń negizgi maqsaty – qatysýshylardy energıany únemdeý, jańartylatyn energıa kózderi jáne turaqty aýyl sharýashylyǵymen baılanysty negizgi aspektilerge úıretý.
Qatysýshylar jasyl tehnologıalar salasyndaǵy jobalardy qoldaıtyn qarjy quraldary men tetikterin ıgerdi, ekologıalyq taza sheshimderdi engizýdi retteıtin zańnamalyq aktiler týraly bilim aldy. Sondaı-aq jasyl tehnologıalardy qoldaný arqyly qarjylyq múmkindikterge qol jetkizýdiń ádisterin túsindi.
Jasyl tehnologıalarǵa kóshý – bul tek ekologıany qorǵaý qadamy emes, sonymen qatar turaqty jáne paıdaly jobalardy júzege asyrýǵa yqpal etetin ınvestısıalardy tartý múmkindigi.
Halyqaralyq jasyl tehnologıalar jáne ınvestısıalyq jobalar ortalyǵy qatysýshylarǵa osy mańyzdy taqyryp boıynsha belsendilik tanytqany jáne qyzyǵýshylyq bildirgeni úshin alǵys aıtty.