Májilis depýtaty Edil Jańbyrshın Air Astana-nyń qyzmetine kóńili tolmaıtynyn aıtty.
Ol áýe kompanıalaryn durystap qolǵa alý kerektigi jóninde másele kóterdi, dep habarlaıdy aqshamnews.kz.
Onyń sózinshe, Air Astana aıyppul áli tólemegen.
Bizdiń depýtattar Air Astana-ǵa qatysty máseleni kóterip jatyr. Shynynda da, Air Astana bizdiń aspannyń qudaıy bolyp alǵan. Bılettiń bári jaqyndaǵan kezde kóteriledi, araqashyqtyqqa baılanysty degen bos áńgime. Bılet jaqyndaǵan kezde kóterilmeý kerek. Kerisinshe baǵasy túsýi qajet. Sebebi ol bıletti tezirek ótkizý kerek qoı. Bular kerisinshe jumys isteıdi. Foster myrza, siz myna shańyraqqa qarańyz. Siz osy memlekettik zańyna baǵynýyńyz kerek. Samat Musabaev ekeýmiz bir saǵat keshikkenge úsh paıyz aıyppul salatyn norma engizdik. Endi qyzyqty qarańyzdar. Men 2 tamyzda ushýym kerek bolǵan, alaıda ushaq 12 saǵatqa keshikti, áli kúnge deıin aıyppulyn ala almaı júrmin. Nege? Olar qıturqy sqema jasap qoıǵan, – deıdi depýtat.
Onyń sózinshe, tek Air Astana emes, kólikte zańmen qarastyrylǵan qaıtarylatyn kompensasıany da jeńildetý kerek. kez kelgen adam ótinishti ońaı berip, aqsha onyń shotyna tezirek túsýi kerek dep esepteıdi.
Air Astana-nyń búkil mýltımedıasy ózge tilde. Olardyń saıtyna kóringen adam kirip, ishinen taýyp alyp, ótinishti jazyp, aqshasyn keri qaıtaryp alý óte qıyn másele. Tek qana kompúterdi biletin, sonyń sońynda erinbeı júretin adam ǵana aqshasyn qaıtara alady. Osynyń bárin ádeıi istep qoıǵan. Memlekettik tilde kontent óte az. Ony birneshe ret aıtyp júrmiz. Ony ornyna keltirý kerek. Bul da úlken másele. Nege ol jerde memlekettik tilge basymdyq berilmeıdi? Eń bolmasa 50/50 etińder. Al onda mýltımedıadaǵy memlekettik tildiń úlesi 10 paıyz ǵana. Foster myrza, siz Parlamentke birinshi kelip otyrsyz. Qazaqstan aýmaǵyna kirgennen keıin birinshi kezekte Qazaqstan azamattarynyń múddesin qorǵap, Qazaqstannyń zańyn syılaýyńyz kerek. Osy jerde jaǵdaıdy jasaýyńyz qajet. Siz paıda kóremiz dep bıletti kótere bermeńiz. Bizdiń terıtorıamyz kúnde rezińke bolyp sozylyp ósip jatqan joq. Al sizder baǵany kóteresizder. Bılettiń baǵasy 60 myń teńgeden 120 myń teńgege deıin ketip qalady. Olaı bolmaý kerek. Mınıstrlik bul áýe kompanıalary durystap qolǵa alýy tıis, – dedi depýtat Edil Jańbyrshın.
Depýtat sóz sońynda Air Astana-nyń basshysy Pıter Fosterge:
Siz bizdi osy jerde otyryp alyp mensinbeı otyrsyz. Kúletin eshteńe emes. Siz kúlmeńiz. Biz sizge eshteńeni túsinbeıtin Afrıkadaǵy aborıgen emespiz. Bulaı oınamańyz. Parlamentte otyrsyz. Osy jerde otyrǵandardyń bárin halyq saılaǵan. Halyqtyń ókilderi, – dedi májilismen.