Olar salymshylarǵa 20 mıllıard teńgege jýyq shyǵyn keltirgen.
Qarjy monıtorıńi agenttigi qarjy pıramıdalarynyń belgisi bar 10,5 myńnan asa saıt siltemesi buǵattalǵanyn málimdedi, dep habarlaıdy aqshamnews.kz
Búgingi kúni qylmystyq is qozǵalyp, 12 mıllıard teńgeden astam qarajat ótelgen.
«Alaıaqtar ózin kanadalyq kompanıanyń aksıoneri jáne ıesi retinde tanystyryp, mýzykalyq ınvestısıalyq joba qyzmetine is júzinde qatysy joq kompanıanyń aksıalaryn satýmen aınalysqan. Osylaısha, salymshylardyń qarajatyn tartyp, engizilgen somanyń 10-15%-yna deıin paıdasyn berýge ýáde etken. Keltirilgen zalal somasy – 255 mıllıon teńge. Sot úkimimen kináliler 5 jyldan 6 jylǵa deıingi merzimge bas bostandyǵynan aıyryldy», – delingen Qarjy monıtorıńi agenttigi taratqan jazbada.
Agenttik málimetinshe, bıyl qarjy pıramıdalarynyń belgileri bar 10,5 myńnan asa saıt siltemeleri, WhatsApp, Telegram jáne Instagram jelilerinde 292 chat buǵattalǵan. Júıeli jumystar negizinde 2 mıllıonnan asa áleýetti salymshynyń qarjy shyǵynyna tosqaýyl bolǵan.
"Qnet", "World Business Consulting", "Finiko" "Antares" / "Antares Trade", "Sincere Systems Group" / "S-Group", "Hermes LTD", "Life is good", "Chia Tai Tianding" / "Chia Tai Pharmaceutical" "Energy Eolus Oazqstan" / "Eolus" sıaqty Qazaqstanda qyzmetin júzege asyrǵan qarjy pıramıdalarynyń qurylymdyq bólimshe uıymdastyrýshylary jaýapqa tartylǵan.