Dúnıejúzilik klımat samıti aıasynda Qasym-Jomart Toqaev Soltústik Makedonıa Prezıdenti Gordana Sılánovska-Davkovamen kezdesý ótkizdi.
Memleket basshysy Soltústik Makedonıany Qazaqstannyń Eýropadaǵy mańyzdy seriktesi retinde atap ótip, basym baǵyttar boıynsha yntymaqtastyqty nyǵaıtýǵa múddeli ekenin jetkizdi, dep habarlaıdy aqshamnews.kz Aqordaǵa silteme jasap.
Óz kezeginde Gordana Sılánovska-Davkova ekijaqty baılanysty nyǵaıtýǵa qosqan úlesi úshin Qasym-Jomart Toqaevqa alǵys aıtyp, ózara yqpaldastyqty jandandyrýǵa múmkindik mol ekenin málimdedi. Sonymen qatar Soltústik Makedonıa Prezıdenti Qazaqstannyń Orta derjava retinde halyqaralyq arenadaǵy róline joǵary baǵa berdi.
Áńgimelesý barysynda saýda-ekonomıka jáne ınvestısıa salalaryndaǵy yntymaqtastyq aıasyn keńeıtý perspektıvasyna, eki el azamattary úshin vıza rejımin ońtaılandyrý máselesine aıryqsha mán berildi. Taraptar Qazaqstan men Soltústik Makedonıanyń iskerlik toptary arasyndaǵy qarym-qatynasty damytý jóninde ýaǵdalasty.
Kezdesý sońynda Qasym-Jomart Toqaev Gordana Sılánovska-Davkovany Qazaqstanǵa saparmen kelýge shaqyrdy.