Elimizdiń barlyq óńirlerinde kóktemgi egis naýqany qarqyndy júrip jatyr. Oǵan deıin birqatar agrotehnıkalyq jumystar atqaryldy: 17,1 mln gektar alqapta ylǵal jabý, 7,3 mln gektarda tuqym sebýge deıingi óńdeý jáne 1,9 mln gektarda kóktemgi jyrtý jumystary júrgizildi.
Búgingi tańda 5,2 mln gektardan astam aýyl sharýashylyǵy jeri egildi. Atap aıtqanda:
Aqmola oblysynda – 971,1 myń ga, Almaty oblysynda – 228,4 myń ga, Aqtóbe oblysynda – 124,9 myń ga, Shyǵys Qazaqstan oblysynda – 337,6 myń ga, Jambyl oblysynda – 316,5 myń ga, Batys Qazaqstan oblysynda – 171,2 myń ga, Qaraǵandy oblysynda – 435 myń ga, Qostanaı oblysynda – 385,1 myń ga, Pavlodar oblysynda – 467,9 myń ga, Soltústik Qazaqstan oblysynda – 359,1 myń ga, Túrkistan oblysynda – 482 myń ga, Jetisý oblysynda – 353,6 myń ga, Abaı oblysynda – 463,6 myń ga jáne basqa óńirlerde de egis jumystary júrgizilýde.
Negizgi daqyldar boıynsha: dándi daqyldar – 3 mln gektardan astam, mal azyǵy daqyldary – 382,3 myń ga, kókónis – 91,4 myń ga, kartop – 66,7 myń ga, baqsha daqyldary – 69,9 myń ga, maıly daqyldar – 1,2 mln ga, maqta – 130,9 myń ga, qant qyzylshasy – 17,4 myń ga, kúrish – 52,6 myń ga egildi.
Agrarlar 1 mln tonnadan astam mıneraldyq tyńaıtqysh jetkizýge kelisimshart jasaǵan, onyń ishinde 849,2 myń tonnasy jóneltildi.
Bıylǵy jylǵa tuqymǵa degen qajettilik 2,3 mln tonnany quraıdy, bul kórsetkish 100% qamtamasyz etildi.
Bólingen 401 myń tonna dızel otynynyń 233 myń tonnasy jóneltildi.
Egis jumystary josparǵa sáıkes jalǵasýda.