Qazaqstan Respýblıkasynyń Energetıka mınıstrligi munaı-gaz hımıasy salasynda jalpy quny 15 mıllıard AQSH dollarynan asatyn birqatar iri jobalar iske asyrylyp jatqanyn habarlaıdy. Bul jobalar elimizdiń ındýstrıalyq-ınnovasıalyq damýyna serpin berip, jańa óndiristerdi jolǵa qoıýǵa, sondaı-aq ishki jáne syrtqy naryqtardaǵy básekege qabilettilikti arttyrýǵa múmkindik beredi.
Atalǵan jobalardyń biri – 2022 jyly paıdalanýǵa berilgen jyldyq qýaty 500 myń tonna polıpropılen óndiretin zaýyt (JSHS «KPI»). 2024 jyldyń qorytyndysy boıynsha kásiporyn shamamen 250 myń tonna ónim óndirdi. Bul joba elimizdiń ımportqa táýeldiligin azaıtyp, eksporttyq áleýetin arttyrý jolyndaǵy mańyzdy qadam sanalady.
Qazirgi ýaqytta strategıalyq mańyzy joǵary taǵy bir joba – jylyna 1,25 mıllıon tonna polıetılen óndiretin zaýyt – iske asyrýdyń belsendi kezeńinde. Jobanyń jobalyq-smetalyq qujattamasy ázirlenip, bastapqy qurylys-montajdaý jumystary júrgizilýde.
Sonymen qatar, býtadıen, karbamıd, polıetılentereftalat jáne alkılat óndirýge arnalǵan ózge de jobalar daıyndyqtyń ártúrli satysynda pysyqtalýda.
Energetıka mınıstrliginiń baǵalaýynsha, kórsetilgen jobalardy iske asyrý nátıjesinde shamamen 3,5 myń turaqty jáne 16 myń ýaqytsha jumys orny ashylady. Bul óz kezeginde óńirlik ekonomıkanyń damýyna jáne halyqty jumyspen qamtý deńgeıiniń artýyna eleýli úles qosady.