Qazaqstanda 15,5 tekshe shaqyrym mólsherinde sý qory bar 3 692 aýyz sý orny barlandy.
Bul sharýashylyqty jáne turǵyndardy aýyz sýmen qamtamasyz etý úshin qajet. Bul rette, elimizde jylyna sharýashylyq – aýyz sý qajettilikteri úshin 1 tekshe shaqyrymnan sál artyq sý alynady.
Sý kodeksiniń qoldanystaǵy redaksıasyna sáıkes aýyz sý kózderi qoryn saqtaý lastanýdan jáne bitelýden qorǵalǵan jerasty sý obektileriniń bazasynda júzege asyrylady.
«Bul aýyz sý qory tirshilik nári jetispegen jaǵdaıda qajet bolady. Biz jer asty sýlaryn zertteýge kóp kóńil bólemiz. Mysaly, Memleket basshysynyń tapsyrmasy sheńberinde gıdrogeologıalyq jumystardy uıymdastyrý jáne jer asty sý resýrstaryna memlekettik baqylaý men monıtorıń júrgizý jónindegi qyzmet qurylatyn bolady. Sondaı-aq QR Ónerkásip jáne qurylys mınıstrligi Geologıa komıtetiniń jer asty sýlary boıynsha fýnksıalarynyń bir bóligi bizdiń mınıstrliktiń quzyretine ótedi», – dedi QR Sý resýrstary jáne ırrıgasıa mınıstri Nurjan Nurjigitov.