Abaı ýnıversıteti - Qazaqstan men Ortalyq Azıadaǵy pedagogıkalyq joǵary oqý oryndarynyń kóshbasshysy
Abaı ýnıversıteti QS World University Rankings: Asia-2024 halyqaralyq reıtıńinde 146-orynǵa ıe bolyp, Azıanyń TOP-150 úzdik ýnıversıtetteriniń qataryna endi.
Qazaqstan men Ortalyq Azıanyń pedagogıkalyq joǵary oqý oryndary arasynda 1-shi oryndy ıelendi. Elimizdiń úzdik ýnıversıtetteriniń bestigine kiredi, dep habarlaıdy Almaty-akshamy.kz.
Bul reıtıńte oryn alý ýnıversıtettiń akademıalyq, ǵylymı-zertteý jáne áleýmettik salalardaǵy jetistikteriniń halyqaralyq deńgeıde moıyndalýynyń dáleli bolyp tabylady.
Ýnıversıtet Qazaqstan men Ortalyq Azıadaǵy pedagogıkalyq mamandyqtar boıynsha akademıalyq sheberlik ortalyǵy retinde kóshbasshylyqty saqtaıdy, halyqaralyq akademıalyq qoǵamdastyqta jáne jumys berýshiler arasynda jaqsy bedelge ıe, joǵary jumysqa qabilettilik pen bilim sapasy bolashaǵyn pedagogıkalyq qyzmetpen baılanystyrýdy maqsat etken azamattar úshin eń jaqsy tańdaý.
Pedagogıkalyq zertteý ýnıversıtetine transformasıalaný barysynda ǵylymı-zertteý qyzmetine basa nazar aýdarylýda, ýnıversıtet ǵalymdary joǵary kvartıldi halyqaralyq jýrnaldarda jarıalaý belsendiligin arttyrýda, bedeldi salalyq konferensıalarǵa qatysýda, sonymen qatar ǵylymı monografıalardy shyǵarýda jáne ǵylymı-zertteý baılanystary men avtorlyq yntymaqtastyǵyn arttyrýda, pedagogıkalyq ujymnyń dárejeliligi de ósip keledi. Abaı atyndaǵy QazUPÝ-dyń ǵylymı-zertteý quramdas bóliginiń moıyndalýy da septigin tıgizýde.
Reıtıń aıasynda ýnıversıtettiń áleýmettik aspektidegi kórsetkishteri de baǵalanady, sáıkesinshe, ýnıversıtette jaqsy stýdenttik ekojúıe, jaqsy jabdyqtalǵan ǵımarattar men jataqhanalar, memlekettik masshtabta damyǵan sporttyq jáne volonterlik qozǵalys, shahmat jáne basqa da shyǵarmashylyq baǵyttar negizinde qyzyǵýshylyq klýbtary belsendi jumys isteıdi.
QS reıtıńi kórsetkishteriniń oń dınamıkasy el deńgeıinde de, azıalyq bilim berý ıerarhıasynda da pedagogıkalyq mamandandyrýdy eskere otyryp, ýnıversıtettiń aldaǵy ósý áleýetin kórsetedi.