Alaıaqtar bank qosymshasy arqyly qazaqstandyqtarǵa salyq bereshegi týraly jalǵan habarlama jiberip jatyr, dep habarlaıdy almaty-akshamy.kz.
Kazirgi ýaqytta áleýmettik jelilerde alaıaqtar belsendilik tanytyp, «Kaspıı banktiń mobıldi qosymshasy» arqyly jalǵan habarlamalar jiberip jatyr. Salyq mindettemesin oryndaý týraly myna mazmundaǵy aqparat taralyp jatyr: «Tóleý» qoıyndysymen «Salyq bereshegin tóleý úshin shot qoıyldy». Ony basqan kezde salyq tóleýshilerdiń banktik shottarynan qarajat tólemder rastaýsyz aqsha esepten shyǵarylady.
Osyǵan baılanysty Mańǵystaý oblysy boıynsha Memlekettik kirister departamenti salyq bereshegi týraly habarlamalar alǵan kezde aqshalaı qarajatty ruqsatsyz esepten shyǵarýdy boldyrmaý úshin, salyq boıynsha bereshektiń bar/joq ekendigi týraly málimetterdi kelesi EDB mobıldi qosymshalary arqyly naqtylap tekserýdi usynady:
- «Kaspı banki» AQ («Barlyq tólemder» servısinde →«Aıyppuldar jáne salyqtar» →«Salyqtar» →«Salyq bereshegin tóleý» →«Tekserý»);
- «Halyk banki» («Barlyq tólemder» servısinde →«salyqtar, aıyppuldar, HQKO qyzmetteri» →«Salyqtar» →«Salyq bereshegin tóleý (kólik, jer jáne múlik)» →«Tekserý»);
- «e-Salyq Azamat» («Elektrondy servıster» qoıyndysy →«Salyq jáne áleýmettik tólemder boıynsha bereshek týraly qyzmeti»→«JSN-dyengizý» →«İzdeý»).
«Zańdy túrde belgilengen salyqtardy, alymdardy jáne basqa da mindetti tólemder bul – árkimniń paryzy jáne mindeti. Bul rette saq bolyńyzdar, alaıaqtarǵa aldanyp qalmańyzdar!», - dedi departamentten.