Oqýshylardyń oqý formatynda kúnde ózgeris bolyp jatyr
2022 jylǵy 24 qańtardan bastap Qazaqstan boıynsha barlyq bilim berý uıymy dástúrli túrde oflaın formatta jumys isteıtin bolady, dep habarlaıdy Almaty-akshamy.kz 24.kz-ke silteme jasap.
Mundaı sheshimdi Koronavırýstyq ınfeksıanyń taralýyna jol bermeý jónindegi vedomstvoaralyq komısıa qabyldady. QR BǴM málimetinshe, bilim berý uıymdary mynadaı algorıtmmen jumys isteıdi. Mektepke deıingi uıymdar (balabaqshalar) balalardy ata-analarynyń ótinishi boıynsha qabyldaıdy. 600 balaǵa deıin oqýshysy bar jalpy bilim beretin mektepterde – tolyqqandy oflaın oqý.
600-den astam oqýshysy bar mektepterde oflaın oqytý kezinde tolymdyq jobalyq qýattyń 50%-inen aspaýy tıis. Bul jaǵdaıda BǴM 1-4 synyp oqýshylaryn olardyń jas erekshelikterin eskere otyryp, dástúrli formatta oqytýdy usynady. Sebebi bastaýysh synyp balalaryna qashyqtan bilim alý qıynǵa soǵady. 5-11 synyp oqýshylaryna keler bolsaq, mektep ákimshilikterine balalardy shtatty formatta oqytý, aýysymdar men ishki aýysymdardyń jumysyn uıymdastyrý, keıbir pánder boıynsha sabaqtardy qashyqtan oqytý formatyna aýystyrý týraly ata-analardyń ótinishterin eskerý usynylady.
Mektepterden tys uıymdardaǵy oqý: jeke sabaqtar tolyqqandy oflaın formatta, 15 adamǵa deıingi toptyq sabaqtar shtattyq rejımde, múmkindigi shekteýli balalarǵa arnalǵan túzetý kabınetterinde (ortalyqtarda) jeke sabaqtar men 8 adamǵa deıingi toptyq sabaqtar shtattyq rejımde júrgiziledi. Elimizdiń kolejderi men JOO-larynda oqytý aralas formatta: praktıkalyq, labaratorlyq, semınar sabaǵy, óndiristik is-tájirıbe shtattyq rejımde, dárister onlaın formatta ótedi.