Bilim ordasy 120 balaǵa arnalǵan.
Naýryzbaı aýdanynda ornalasqan oqý ordasy 1 men 4-synyp oqýshylaryna bilim beredi dep habarlaıdy Almaty-akshamy.kz
Almaty.tv arnasynyń málimetinshe, mektepte aǵylshyn tili tereńdetilip oqytylady.
Aqjar shaǵynaýdanynda bastaýysh synyp oqýshylaryna arnalyp Upstream Zerek atty jekemenshik mektep ashyldy.
«Qasym-Jomart Toqaevtyń jyl sońyna deıin 1000 mektep salý tapsyrmasy iske asyp jatyr. Jalpy aýdan qurylǵaly 1200 oryndyqtan 2 mektep salyndy. Qosymsha 1800 jáne 1500 oryndyq mekteptiń jańa qurylys jumystary júrgizilip jatyr», – dedi Naýryzbaı aýdany ákiminiń orynbasary Mıras Nysanalıev.
Zamanaýı jabdyqtarmen qamtamasyz etilgen mektepte bastaýysh synyp oqýshylaryna arnalǵan 9 kabınet, 1 sport zal jáne asqanasy bar. Ázirge bilim qabyrǵasy oqý jylyn 10 ustaz, 30 balamen bastap otyr.
«Mektebimizdiń aýmaǵy 20 sottyq jerde 1000 sharshy metr. Mektebimiz byltyr qyrkúıek aıynan bastap salyndy. Búgin saltanatty sharamyzdy ótkizip, balalarǵa álippe kitabyn tabystadyq», – dedi mektep dırektory Ǵalıa Satybaldına.
Ákimdik ókilderiniń aıtýynsha, búginde Naýryzbaı aýdanynda 17 mektep bar. Onyń 9-y memlekettik bolsa, 8-i jeke menshik.