Qazaqstanda kómir eksportynan túsetin kiris kólemi eki esege ósti.
Jyl basynan beri 7 aıda 19 mln tonnadan astam kómir jóneltildi. Bul ótken jyldyń sáıkes kezeńimen salystyrǵanda 22%-ǵa kóp, dep habarlaıdy Almaty-akshamy.kz.
Mundaı málimetterdi Birinshi kredıttik búro keltirip otyr. Sarapshylar eksport kóleminiń artýyna qazir energetıkalyq daǵdarys bolyp jatqan Eýropadan keletin kómirge degen suranyspen baılanystyrady. Negizgi baǵyttardyń biri – Shveısarıa.
Munda jetkizilim eki esege ósti. Polshaǵa jóneltiletin eksport kólemi 127 ese artty. Al, Bolgarıaǵa jetkizilim birden 860 esege artty. Kıpr men Belgıa da qazaqstandyq kómirdi belsendi satyp alýshylardyń qatarynda. Shekaralas elderge kelsek, Qazaqstan qara otynnyń basym bóligi kórshiles Reseıge eksporttalady. Reseı Federasıasyna jetkiziletin eksport kólemi bıyl shamamen 12% ósti.