Almatylyqtar nazaryna!
Elimizdiń eń iri megapolısi Almatynyń 2 mln-ǵa jýyq turǵyny ortaq úıimiz- ásem qalamyzdyń kórkeıýine ózindik úlesin qosýda. Tańmen talasyp aýla sypyrýshy kóshelerdi tazalasa, kúndelikti biz baratyn oqý ornynda, emhanada, jumysta sizdi ardaqty ustaz, aq halatty abzal jandar, áriptester qarsy alady. Barlyǵy da qoǵam úshin aıanbaı eńbek etýde.
Al biz olardyń eńbegin elep, baǵalaımyz ba? Olar bolsa alańsyz, marapat pen madaqsyz-aq, óz isin jalǵastyryp keledi.
Endeshe, almatylyqtar birigip, óz qaharmandarymyzdy tabaıyq! Ár almatylyq súıikti qalamyzdyń ajyramas bóligi, baǵaly turǵyny.
Almaty qalasy Qoǵamdyq damý basqarmasynyń Jobalyq keńsesi megapolıstiń damýyna úles qosyp júrgen tulǵalardyń tanylýyn arttyrý maqsatynda «Almaty tulǵalary» baıqaýyn jarıalaıdy.
Baıqaý 2022 jyldyń 16 qyrkúıegi men 10 qazany aralyǵynda syrttaı ótkizilip, onda Almaty qalasynda turatyn 18 jastan asqan kez kelgen adam baq synaı alady.
Saıysqa qatysý úshin ne isteý kerek?
- Keıipker týraly shaǵyn beıne-rolık túsirińiz, alǵan áserińizben bólisińiz nemese keıipker (tulǵa) tolyq sıpattalǵan sýret jiberińiz.
- Beınerolıkti YouTube saıtyna (https://www.youtube.com/channel/UCwq61pfzyfrRcEI_xRrOF9g/channels) ornalastyryńyz nemese Almaty.tulgalary@gmail.com poshtasyna «Almaty tulǵalary» belgisimen jiberińiz.
Sondaı-aq, daıyn jumystardy Instagram jelisinde – Almaty_tulgalary; Tik Tok - Almaty_tulgalary heshtegimen; Facebook - https://www.facebook.com/almaty_tulgalary-100127016197420 jarıalaýǵa bolady.
Vıdeo men fotodaǵy mátinde balaǵat sózder men úshinshi tarap resýrstaryna siltemeler bolmaýy kerek, bir adam bir ǵana konkýrstyq jumys usyna alady. Beınejazbanyń uzaqtyǵy 20 (jıyrma) sekýndtan kem emes jáne 40 sekýndtan aspaýy tıis, sonymen qatar sýret 720 dri kem emes sapamen kóldeneń túrde berilýi kerek.
Beıne sholý konkýrs úshin arnaıy jasalýy tıis, basqa avtorlardyń jumysyn, sonyń ishinde avtorlyq quqyqpen qorǵalǵan aýdıovızýaldy týyndylaryn kóshirýge tyıym salynady. Árbir jumysta № 1 qosymshaǵa sáıkes: jumystyń aty, qatysýshynyń aty-jóni kórsetilýi kerek.
Baıqaý qorytyndysy 2022 jyldyń 15 qazanynda áleýmettik jeliler men «Almaty» telearnasynda shyǵarylyp, jarıalanady. Jeńimpazdar baǵaly syılyqtar men dıplomǵa ıe bolady. Baıqaý talaptaryna saı keletin jumystardyń barlyǵy saıt pen YouTube arnasynda jarıalanady, al eń qyzyqtylary áleýmettik jelilerge salynady.