Almaty qalasy sport basqarmasynyń №9 Olımpıadalyq rezervtegi mamandandyrylǵan balalar-jasóspirimder mektebinde jóndeý jumystarynan keıin gımnastıkamen aınalysýǵa arnalǵan jańa sport zaly ashyldy.
Sport zalda 800-den astam bala sportpen aınalysady. Álemdik deńgeıdegi olımpıadalar men sporttyq jarystardyń bolashaq jeńimpazdary jattyǵatyn bolady.
Ashylý saltanatyna Qazaqstan gımnastıka federasıasynyń vıse-prezıdenti M.Eskendirov, Almaty qalasy máslıhatynyń burynǵy depýtaty E.Qasymov, Áýezov aýdany ákiminiń orynbasary Q.Saǵyndyqov, «Taıshan» kompanıasynyń ókili Jang Lı qatysty.
«Taıshan» kompanıasynyń jabdyqtary búkil álemge tanymal. «Taıshan» fırmasynyń jabdyqtarynda qazirdiń ózinde álem jáne Azıa chempıonattary retinde álemdik aýqymdaǵy iri jarystar ótkizilýde. Halyqaralyq gımnastıka federasıasymen tanylǵan jáne sertıfıkattalǵan.
«Búgin sportshylar, jattyqtyrýshylar men Qazaqstan gımnastıka federasıasy úshin qýanyshty kún. Bizdiń kompanıa 45 jyldan beri sportqa arnalǵan jabdyqtardy óndiredi. Bul sport mektebinen Qazaqstannyń atyn shyǵaratyn sport maıtalmandary shyǵatynyna senim mol», - dedi kompanıa ókili Jang Lı.
№9 Olımpıadalyq rezervtegi mamandandyrylǵan balalar-jasóspirimder mektebiniń janyndaǵy sport zal 1974 jyly salynǵan. Zalda ashylǵannan beri alǵash ret jóndeý júrgizilip, gımnastıkalyq jabdyqtar aýystyryldy. Jańa sport zalynda ulttyq quramalardyń sporttyq, batýttyq gımnastıka jáne sporttyq akrobatıka boıynsha jattyǵýlaryn ótkizý josparlanýda.
