Memlekettiń damýy ulttyq ǵylymnyń áleýetine tikeleı baılanysty.
QR Premer-Mınıstri Á. Smaıylov «óz vaksınasy bar alty eldiń qatarynda Qazaqstannyń bolýy otandyq ǵylymnyń áleýeti qanshalyqty zor ekenin kórsetetinin» aıtty, dep habarlaıdy Almaty-akshamy.kz.
«Bul oraıda, Qazaqstan ǵylymynyń bolashaǵy óte zor. Sonymen qatar otandyq ǵylymda aıtarlyqtaı serpilis bar. Elimizde sońǵy eki jylda respýblıkalyq búdjetten ǵylymdy qarjylandyrý shamamen 2 ese ósti. Koronavırýs ınfeksıasyna qarsy óz vaksınasy bar alty eldiń qatarynda Qazaqstannyń bolýy otandyq ǵylymnyń áleýeti qanshalyqty zor ekenin kórsetedi. Biz ǵylymǵa jańa lep ákelgen óz vaksınamyzdy maqtan tutamyz! Bul – shyn máninde bizdiń ǵalymdarymyzdyń úlken jeńisi! Otandyq ǵylym halqymyzdyń ómir sapasyn jaqsartýǵa eleýli úles qosýy tıis. Ǵylym salasyndaǵy baǵdarlamalyq qujattardyń barlyǵy osyǵan baǵyttalǵan», - dedi Úkimet basshysy.