Mınıstr Qaıyrbek Óskenbaevtiń aıtýynsha, búginde halyq ta, bankter de baǵdarlamanyń jalǵasqanyn qoldap otyr.
Indýstrıa jáne ınfraqurylymdyq damý mınıstrligi baǵdarlamany uzartýdy usyndy, dep habarlaıdy Almaty-akshamy.kz
«7-20-25» baǵdarlamasy aıaqtalýǵa taıaý. Biraq halyq ta, bankter de bul baǵdarlamany ary qaraı jalǵastyrýdy usynyp otyr. Biz de ol máseleni kóterip, ulttyq bankke óz usynystarymyzdy berip jatyrmyz. Biraq qandaı sheshim bolatyny ázirshe belgisiz. Ony áli aqyldasyp jatyrmyz», - dedi Óskenbaev.
«7-20-25» baǵdarlamasy boıynsha daıyn jańa baspanany satyp alýǵa bolady.
Alaıda ótinish berýshi tulǵanyń atynda eshqandaı baspana bolmaýy kerek.
Mólsherleme - 7%, eń tómengi jarna - keminde 20%, merzimi – 25 jylǵa deıin.
Baǵdarlamanyń naqty merzimi joq. Biraq oǵan bólingen 1 trıllıon teńge kólemindegi somany ıgergennen keıin baǵdarlamany jabý josparlanyp otyr.