Qazaqstan Prezıdenti saılaýyna qala ákimi jubaıymen birge keldi
M.Mámetova atyndaǵy №28 mektep-lıseıinde ornalasqan №358 saılaý ýchaskesine Almaty ákimi Erbolat Dosaev jubaıymen birge keldi, dep habarlaıdy Almaty-akshamy.kz.
«Búginde Qazaqstan azamattary ózderiniń konstıtýsıalyq quqyǵyn iske asyryp, aldaǵy 7 jylda elimizdiń damýyna úles qosady. Ár qazaqstandyqtyń daýysy mańyzdy, búgin men qalamyzdyń, turǵyndarymyzdyń, otbasymnyń jáne balalarymnyń jarqyn bolashaǵy úshin eldiń azamaty, Almaty turǵyny retinde daýys berýge keldim. Almatylyqtar ózderiniń birligin kórsetip, óz tańdaýyn jasaıtynyna senimdimin», - dedi Erbolat Dosaev.
Almatyda saılaý kúni 600 saılaý ýchaskesi jumys isteıdi, turǵylyqty tirkeýi joq almatylyqtar 55 ýchaskede daýys bere alady. Qalada shamamen 1,2 mıllıon adam daýys berýge quqyly.