QR Densaýlyq saqtaý mınıstri Alekseı Soı armán áriptesi Anaıt Avanesánmen kezdesti
QR Densaýlyq saqtaý mınıstrliginen málim etkendeı, kezdesý barysynda mınıstrlikterdiń basshylary ekijaqty yntymaqtastyqtyń basymdyqtaryn belgilep, vaksınasıa pasporttaryn ózara taný týraly jarıalady, dep habarlaıdy Almaty-akshamy.kz
Armenıa vaksınasıa pasporty Qazaqstanda tanylǵan 17-shi memleket boldy.
«QR aýmaǵynda kelesi elderde berilgen azamattardyń KVI-ǵa qarsy vaksınasıa pasporttary/sertıfıkattary/anyqtamalary jaramdy dep tanylsyn: Argentına Respýblıkasy, Vengrıa, Grýzıa, Iran Islam Respýblıkasy, Iordanıa, Qyrǵyz Respýblıkasy, Maldıv Respýblıkasy, Mońǵolıa, Armenıa Respýblıkasy, Belarýs Respýblıkasy, Moldova Respýblıkasy, Perý Respýblıkasy, San-Marıno respýblıkasy, Serbıa, Týnıs Respýblıkasy, Úndistan Respýblıkasy, Fılıppın Respýblıkasy, Taıland, Túrkıa Respýblıkasy, Estonıa Respýblıkasy», - delingen edi eldiń bas sanıtarlyq dárigeriniń 15 qarashadaǵy qaýlysynda.
Budan basqa, sapar sheńberinde Eýrazıalyq ekonomıkalyq odaqqa múshe memleketterdiń óndirisi Eýrazıalyq ekonomıkalyq odaqta 2024 jylǵa deıin qamtamasyz etilýi tıis strategıalyq mańyzdy dárilik preparattarmen jáne medısınalyq qoldanýǵa arnalǵan farmasevtıkalyq sýbstansıalarmen qamtamasyz etilý deńgeıin arttyrý jónindegi is – sharalar jospary talqylandy.
Sondaı-aq, Qazaqstan densaýlyq saqtaý mınıstri áriptesterimen birge Erebýnı medısınalyq ortalyǵyna bardy, ol eldiń eń iri medısınalyq mekemesi bolyp tabylady, onda halyqqa álemdik standarttarǵa sáıkes kópbeıindi, joǵary bilikti medısınalyq kómek kórsetiledi.