Osy jyldyń 9 aıynda Qazaqstan Respýblıkasynda bolý qaǵıdalaryn buzǵany úshin elimizdiń kólik polıseıleri 1000-nan astam sheteldikti ákimshilik jaýapkershilikke tartty, – dep habarlaıdy almaty-akshamy.kz Polisia.kz-ke silteme jasap.
Osy jyldyń 9 aıynda kólik polıseıleri 1000-nan astam sheteldikti ákimshilik jaýapkershilikke tartty, onyń ishinde sot sheshimi boıynsha elden tys jerlerge 267-si shyǵaryldy. Sondaı-aq ishki ister organdaryna sheteldikterdiń kelýi týraly ýaqytyly habardar etpegeni jáne elde bolý qaǵıdalaryn qamtamasyz etpegeni úshin 242 QR azamaty jaýapkershilikke tartyldy.
Máselen “Zańsyz kelýshi – 2023” jedel aldyn alý is-sharasyn ótkizý barysynda Qandyaǵash stansıasyndaǵy jelilik polısıa bóliminiń qyzmetkerleri Ózbekstannyń 30 jastaǵy azamatyn anyqtady. Ol Áıteke bı stansıasynyń temirjol vokzaly ǵımaratynda Qazaqstan aýmaǵynda jumys isteýge ruqsat almaı qabyrǵa árleýshi bolyp jumys istegen. Oǵan qatysty QR ÁQBtK-niń 517-baby 5-bóligi (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha ákimshilik hattama toltyrylyp, Áıteke bı aýdandyq sotynyń sheshimimen quqyq buzýshyǵa 25 AEK mólsherinde aıyppul salyndy.
Sonymen qatar JSHS-ge qatysty jergilikti atqarýshy organnyń ruqsatynsyz sheteldik jumys kúshin tartqany úshin QR ÁQBtK-niń 519-baby 3-bóligi (Sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartý) boıynsha ákimshilik hattama toltyrylyp 200 AEK mólsherinde aıyppul salyndy.
Aıta ketý kerek, joǵaryda atalǵan shaǵyn kásipkerlik sýbektisi osy jyl ishinde ekinshi ret jaýapkershilikke tartyldy. Dál osyndaı fakt Atyraý stansıasynda da anyqtaldy, onda temirjol vokzaly ǵımaratynyń asqanasynda Ózbekstan Respýblıkasynyń 5 azamaty eńbek qyzmetin zańsyz júzege asyrdy. Sheteldik quqyq buzýshylarǵa qatysty sot sheshimimen árqaısysyna 25 AEK mólsherinde aıyppul salyndy. Jumys berýshi jeke kásipkerge qatysty QR ÁQBtK-niń 519-baby 1-bóligi (Sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartý) boıynsha ákimshilik hattama toltyrylyp 50 AEK mólsherinde aıyppul salyndy
Aqparat kózi Polisia.kz saıtynda: https://polisia.kz/kolik-politsejleri-1000-nan-astam-sheteldikti-akimshilik-zhauapkershilikke-tartty/