QR TJM «Seısmologıalyq tájirıbe-ádistemelik ekspedısıasy» MM seısmıkalyq stansalar jelisi 11 qazan kúni 11 saǵat 27 mınýtta jer silkinisin tirkedi.
Zilzala oshaǵy Almaty qalasynan ońtústik-shyǵysqa qaraı 249 shaqyrym qashyqtyqta, Qazaqstan aýmaǵynda ornalasqan, dep habarlaıdy Almaty-akshamy.kz Kazinform.kz-ke silteme jasap.
Jer silkinisiniń energetıkalyq sanaty – 9.0. MPV magnıtýdasy – 4.3. Tereńdigi – 10 shaqyrym. MSK-64 baǵany boıynsha sezilýi týraly málimetter joq.
«Almaty oblysynyń Tótenshe jaǵdaılar departamenti jergilikti atqarýshy organdarǵa, polısıa basqarmasyna, «Qazseldenqorǵaý» mekemesine, prokýratýraǵa jáne ózge de uıymdarǵa habarlady, senip tapsyrylǵan aýmaqtardaǵy jaǵdaı naqtylanýda, zardap shekkender týraly aqparat túsken joq»,-dep atap ótti departamentten.