Áıelderdiń tenıs qaýymdastyǵy (WTA) jańa reıtıńti jarıalady, dep habarlaıdy Almaty-akshamy.kz.
Dúnıejúzilik reıtıńte Qazaqstannyń birinshi raketkasy Elena Rybakına úzdik úshtiktegi ornyn saqtap qala almaı, tórtinshi orynǵa túsip qaldy.
Al amerıkalyq Djessıka Pegýla úshinshi orynǵa kóterildi. Reıtıńte Iga Shventek kósh basyndaǵy ornyn saqtady. Belarýstiń ókili Arına Sobolenko da ekinshi ornyn saqtap qaldy.
Qazir Elena Rybakına Kanadanyń Monreal qalasynda ótetin WTA 1000 Masters týrnırine qatysý úshin jattyǵý jumystaryn bastap ketti. Ol týrnırdi ekinshi aınalymnan bastaıdy. Onyń qarsylasy – amerıkalyq tenısshi Djenıfer Bredı. Amerıkalyq sportshy birinshi aınalymda álemniń 20-raketkasy latvıalyq Elena Ostapenkony 7:6 (9:7), 0:6, 7:6 (10:8) esebimen jeńip, sensasıa jasady.
Bredı pen Rybakınanyń machy 9 tamyzda shamamen Astana ýaqyty boıynsha saǵat tańǵy 06.30-da bastalady.