Oıyn bir jarym saǵatqa sozyldy
Qazaqstandyq Elena Rybakına Rım WTA 1000 týrnıriniń shırek fınalynda álemniń 1-raketkasy, Polsha ókili Iga Shventekpen oınaıdy, dep habarlaıdy Almaty-akshamy.kz QazAqparatqa silteme jasap.
I. Shventek tórtinshi aınalymda álemniń 24-raketkasy, horvatıalyq Donna Vekıchti 6:3, 6:4 esebimen utty.
Bir jarym saǵattan astam ýaqytqa sozylǵan básekede polák tenısshisi 3 eıs jasap, 3 breık-poıntty múlt jibermedi. Qarsylasy 2 eıs, 1 breıkpen (7 breık-poınt) kózge tústi.
Osylaısha, «Úlken dýlyǵa» jarysynyń tórt dúrkin chempıony, Rım masters týrnıriniń ótken jylǵy jeńimpazy I. Shventek jartylaı fınalǵa shyǵý úshin qazaqstandyq Elena Rybakınamen talasady.
I. Shventek pen E. Rybakına osyǵan deıin ózara úsh ret kezdesken. Esep – 2:1, Elena alda. 2021 jyly Ostravada polák sportshysy 7:6, 6:2 esebimen basym tústi. Esesine E. Rybakına 2023 jyly Aýstralıa ashyq chempıonatynyń tórtinshi aınalymynda 6:4, 6:4, Indıan-Ýells dodasynyń jartylaı fınalynda 6:2, 6:2 esebimen ese qaıtardy. Bul oıyndardyń bári hard tósenishinde ótti.