Respýblıka boıynsha jel kúsheıedi
Sınoptıkter Qazaqstanda 2023 jyldyń 17 mamyryna arnalǵan aýa raıy boljamyn usyndy, dep habarlaıdy Almaty-akshamy.kz.
«Qazgıdromet» RMK málimeti boıynsha, ońtústik sıklonnyń jáne onymen baılanysty atmosferalyq frontaldy ýchaskelerdiń áserinen respýblıkanyń basym bóliginde turaqsyz aýa raıy saqtalady. Kún kúrkirep, jańbyr jaýady, oblystyń ońtústik-batysynda, soltústik-batysynda, ońtústiginde qatty jańbyr jaýady.
Qazaqstan Respýblıkasynyń ońtústik-batysynda, soltústik-batysynda, ońtústiginde, ortalyǵynda burshaq jaýýy múmkin.
Respýblıkanyń soltústiginde, shyǵysynda, ońtústik-shyǵysynda soltústik-batys antısıklonynyń ekpini áserinen jaýyn-shashynsyz aýa raıy saqtalady.
Respýblıka boıynsha jel kúsheıedi, soltústikte tuman, soltústik-batysta shańdy daýyl kútiledi.
Aqtóbe oblysynyń ońtústiginde, tańerteń jáne kúndiz Almaty oblysynyń ońtústigi men taýly aımaqtarynda, kúndiz soltústik-batysta, ońtústikte, Mańǵystaý oblysynyń ortalyǵynda, túnde soltústikte, Qyzylorda oblysynyń ortalyǵynda qatty jańbyr jaýady.
Túnde Aqmola oblysynyń soltústik-shyǵysynda topyraq betinde 2 gradýs aıaz saqtalady, Soltústik Qazaqstan, Pavlodardyń soltústiginde, Shyǵys Qazaqstan oblystarynyń shyǵysynda 2 gradýs aıaz kútiledi.
Qyzylordada, soltústikte, Túrkistannyń ortalyǵynda, Aqtóbeniń ońtústiginde, Ulytaýda, Almaty oblystarynyń soltústik-batysynda tótenshe órt qaýpi saqtalady.
Astanada – kóshpeli bult shyǵady, jaýyn-shashynsyz. Jel soltústik-shyǵystan, shyǵystan 9-14, kúndiz ekpini 15-20 m/s. Aýa temperatýrasy túnde +7+9°S, kúndiz +21+23°S.
Almatyda kóshpeli bult shyǵady, jaýyn-shashynsyz. Jel 0-5 m/s. Aýa temperatýrasy túnde +14+16°S, kúndiz +29+31°S.
Shymkentte – kóshpeli bult shyǵady, jańbyr jaýady, tańerteń jáne kúndiz qatty jańbyr jaýady. Keı ýaqytta naızaǵaı, burqasyn. Ońtústik-batystan 8-13, ekpini 15-20 m/s jel soǵady. Aýa temperatýrasy túnde +15+17°S, kúndiz +19+21°S.