«Halyq únine qulaq asatyn memleket» tujyrymdamasy aıasynda «Azamattarǵa arnalǵan úkimet» MK komersıalyq emes aksıonerlik qoǵamynyń Almaty qalasy boıynsha fılıaly «Ashyq esik kúnin» ótkizdi. Shara HQK boıynsha Medeý aýdandyq bóliminde uıymdastyrdy.
Jumys barysynda 50-den astam azamat áleýmettik qamsyzdandyrý, jer kadastryn tirkeý, jyljymaıtyn múlikke quqyqtardy tirkeý, zańdy tulǵalardy tirkeý máseleleri boıynsha qyzyqty suraqtarymen júgindi. Qalyptasqan syndarly dıalogta birqatar azamattardyń qajettilikteri sheshildi. Elektrondy úkimet portaly arqyly, úıden shyqpaı-aq birneshe qyzmetti alýǵa bolatynyn qarapaıym halyqqa túsindirip ótti.
İs-shara qyzmet alýshylarǵa da, qyzmetkerlerge de paıdaly boldy desek, artyq aıtpaǵanymyz bolar. Shara barlyq sanıtarlyq normalardy, sonymen qatar áleýmettik qashyqtyqty saqtaı otyryp ótkizildi.
Kelesi «Ashyq esik kúni» is-sharasyn 3 aqpanda Almaly aýdanynyń bóliminde ótkizý josparlanýda.