Sarapshy aq nannan bas tartýǵa keńes beredi
Asyǵysta jegenge, ári tez daıyndalatyn býterbrodtar men sendvıchtar sıaqty fast-fýdtardyń zıan ekeni aıtylǵaly kóp boldy. Dese de, olardyń quramyn ózgertip, óz qalaýymyzsha ázirlep alý óz qolymyzda. REN-tv saıtynyń "Densaýlyq" aıdarynda tamaq tutynýǵa, durys tamaqtanýǵa qatysty taǵy bir dıetolog mamannyń keńesi jarıalandy, dep habarlaıdy Almaty-akshamy.kz tilshisi
Ádette býterbrodtar men sendvıchter zıandy taǵamdar dep sanalady. Biraq olardy paıdaly etýdiń joly ońaı, dep málimdedi dáriger-dıetolog Nýrıa Dıanova.
«Qarapaıym býterbrodta jasunyq jetkiliksiz bolady. Býterbrodqa salat japyraǵyn nemese bir-eki qıar men qyzanaqty qosqan jón. Bastysy, býterbrodty shynymen paıdaly etý, shartty túrde býterbrodtyń 100 gramyna taǵy 100 gram jemis nemese kókónister, eń durysy - 200 gram qosqan jón», - dedi ol.
Dıetologtyń aıtýynsha, júrek jalǵap alar taǵamda kókónister nan men etke, shujyq nemese syrǵa qaraǵanda eki ese kóbirek bolýy kerek. Mundaı jaǵdaıda tiskebasar paıdaly bola túsedi.
Jaqsy býterbrodty ázirleý úshin dáriger taǵy bir shartty aıtty. Sarapshy aq nandy tutynýdan bas tartýǵa keńes beredi.