Aldıar Toktarov, Atom ónerkásibin damytý qaýymdastyǵynyń tóraǵasy:
- Men sizderge AES-tiń nege Qazaqstan úshin energetıkalyq táýelsizdikke jetýdiń jalǵyz joly ekenin qarapaıym tilmen túsindirgim keledi. Eger Qazaqstan osy baǵytty tańdamasa, jaqyn arada táýekel tobyna enýi múmkin. Eýropa jaqyn bolashaqta kómir energıasy arqyly óndirilgen ónimderge karbon salyǵyn engizýdi josparlap otyr. Al bizdiń energıa júıemiz dál osy kómir generasıasyna súıenedi.
Oılap qarańyzdar, eger elimizde óndiriletin barlyq taýarlar halyqaralyq naryqta «qara tizimge» ilinse, bizdi ne kútip tur? Bul máseleni sheshetin jol – atom energetıkasy. AES salý arqyly Qazaqstan óz energetıkalyq júıesin jańartyp, kómirtekti tómendetýge qol jetkizedi, bul álemdik naryqta básekege qabilettiligimizdi saqtap qalýǵa múmkindik beredi.