Ekologıalyq ahýal kún ótken saıyn keri ketip barady. Oǵan kólikterdiń tıgizip otyrǵan áseri óte kóp. Sondyqtan álem elderi tabıǵatqa zıany tımeıtin kólikke kóshýdi kózdep keledi. Nátıjesinde elektr kólikter kópshiliktiń nazaryna usynyldy. Alǵashynda bizdiń elge áli ázir kele qoımas degen kúdikti oı bolǵany ras. Biraq, búgingi kúni kóshedegi júz kóliktiń arasynan 20 elektromobıldi kóshemizde ketip bara jatqanyn baıqaýǵa bolady. Demek, álemde baǵasy qymbat "Teslaǵa" asa tańyrqaý tanytpaıtyn da boldyq. Jalpy osy kólikterdiń artyqshylyǵy men kemshiligine toqtalsaq.
Elektromobılderdiń artyqshylyqtary
Negizinen elektr kólikterge nazar aýdarǵan jón. Óıtkeni artyqshylyqtar kóp. Jalpy, kemshilikter joq deýge bolmaıdy. Biraq, óndirýshiler kemshilikterdi joıýǵa tyrysyp baǵýda. Elektrlik kólikterdiń eń negizgi artyqshylyǵy ekologıaǵa zıany joq.
Zarádtaý quny
Onyń basty artyqshylyǵy bolyp tabylady. Nelikten? Basty eskeretin másele, kádimgi janý qozǵaltqyshtary bar kóliktermen salystyrǵanda elektr kóligine shyǵyn kóp ketpeıdi. Biraq mundaı kólikterdi qýattaý ortalyqtary elimizde tapshy. Sondyqtan arnaıy izdep baryp, ýaqytyńyzdy bir joǵaltsańyz, qýattaýǵa eki-úsh saǵatyńyzdy sarp etkizesiz. Sonymen qatar, elimizde kóliktiń bul túrine salyq alynbaıdy. Bul da qarjyńyzdyń belgili bir mólsheriniń únemdelýine alyp keledi.
Qaýipsiz jáne tynysh jumys
Elektromobılde janarmaı bagy joq, sondyqtan ol apat kezinde áldeqaıda qaýipsiz jáne jarylys týdyrmaıdy. Eń bir ereksheligi kólikti otaldyrǵanda nemese júrgen kezde daýys bolmaıdy. Qala ishinde artyq shý týyndatpaıdy.
Elektromobılderdiń kemshilikteri
Esh kemshiliksiz kólik jasalyp shyqqan joq. Jasalǵan kólikti jyldar óte kele damytyp, kemshiligin joıý úshin kúsh salynyp keledi. Demek, elektromobılderdiń de kemshilikteri bar. Máselen, batareıalardy tolyq qýattaǵan kúnniń ózinde janarmaımen júretin kólikterdiki sıaqty qashyqtyqty basyp óte almaısyz. Toktyń qýaty tez bitip qalady. Sonan keıingi basty másele úlken qalanyń ishinde ǵana júre alasyz. Kelesi bir qalaǵa shyǵý úshin jolda qýattaý stansıalaryn tappaı qalasyz. Bul jaǵy elimizde Úkimet tarapynan eskerilýi tıis. Endi mańyzdysy, baǵasynda. Elektrli kólikterdi ekiniń biri satyp ala almaıdy. Osy olqylyqtyń ornyn toltyrý úshin, Qytaıdyń alpaýyt zaýyttary kirisken sekildi. Naryqqa shyqqan kólikteri kórkimen kópshiliktiń nazaryn aýdarsa, baǵa tómendigi de saýdalaný barysyna áser etip otyr.