Óńirlik komýnıkasıalar qyzmetiniń brıfıńinde QR Sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń basshysy Arman Rahımov Almatyda sybaılas jemqorlyq táýekelderiniń kartasyn iske asyrý týraly aıtty.
Sybaılas jemqorlyq táýekelderiniń aldyn alý úshin kartada kórsetilgen segiz negizgi sala anyqtaldy, olar: qurylys jáne turǵyn úı, ekologıa, jer, bıznes, ekonomıka jáne qarjy, fıskaldyq, áleýmettik, ınfraqurylym jáne joldar, dep habarlaıdy Almaty-akshamy.kz.
«Óńirlik problemalarǵa tereń úńile otyryp jáne árbir óńirdiń ereksheligin eskere otyryp, agenttik oblys pen respýblıkalyq mańyzy bar qalalar úshin sybaılas jemqorlyq táýekelderiniń kartasyn ázirledi. Kartada prosesterdiń ashyqtyǵyna, ákimshilik kedergilerdiń bolýyna, zańnamanyń jetilmegendigine baılanysty sheshimin tabý múmkin emes ózekti máselelerdiń tizbesi usynylǵan», - dedi A. Rahımov.
Ony iske asyrý sheńberinde aǵymdaǵy jyly sybaılas jemqorlyqqa qarsy 8 monıtorıń jáne sybaılas jemqorlyq táýekelderine 3 syrtqy taldaý júrgizildi, onyń qorytyndysy boıynsha 129 usynys engizildi, 24 tulǵa jaýapkershilikke tartyldy.
Spıkerdiń aıtýynsha, memlekettik organnyń erekshe baqylaýynda bıznes salasy bar. Aıta keteıik, Almatyda 350 myńǵa jýyq shaǵyn jáne orta kásipkerlik sýbektileri tirkelgen.
«Kásipkerlerge kómek kórsetý maqsatynda «Bıznes jol» jobasy aıasynda eki myńnan astam kásipkerdi qamtı otyryp, alpys bes kezdesý ótkizildi, problemalyq máselelerdiń jıyrma alty keısi sheshildi, alty júz kásipkerdiń quqyqtary qorǵaldy», - dep bólisti ol.
Osylaısha, kásipkerlik qyzmetke aralasqany úshin 3 laýazymdy tulǵa ákimshilik jaýapkershilikke tartyldy. 7 fakt boıynsha ÁQBtK-niń 465-baby boıynsha ruqsat berý tártibi men merzimin buzǵany úshin 4 adam jaýapqa tartyldy. Budan basqa, 9,2 mlrd teńge óteldi jáne 5,4 mlrd teńge buǵattaldy.
Sybaılas jemqorlyqqa qarsy is-qımylǵa baǵyttalǵan sharalardan basqa, negizgi nazar sybaılas jemqorlyq táýekelderiniń aldyn alýǵa baǵyttalǵan. Máselen, Agenttik «Sybaılas jemqorlyqqa qarsy volonterlik» jobasyn iske qosty, onyń maqsaty eriktiler retinde sybaılas jemqorlyqqa qarsy qyzmetke beı-jaı qaramaıtyn azamattardy tartý bolyp tabylady.
«Almaty qalasy boıynsha 100-den astam azamat sybaılas jemqorlyqqa tózbeýshilikti damytý, onyń aldyn alý paıdasyna sybaılas jemqorlyqqa qarsy qyzmetke belsendi qatysýǵa nıet bildirdi. Sybaılas jemqorlyqqa tózbeýshilik boıynsha qoǵamnyń sanasyn ózgertetin aldyn alý jumystarynyń oń nátıjesi baryn atap ótýge bolady. Buryn halyq olardan para alý faktileri týraly jıi júginetin bolsa, endi memlekettik qyzmetshilerdiń ózderi olarǵa usynylatyn syıaqylar týraly belgi beredi», - dep bólisti A. Rahımov.
Ótken jyly sybaılas jemqorlyq quqyq buzýshylyqtar týraly habarlaǵany úshin 2.6 mln teńge somasyna 13 azamattyń eńbegi qarjylaı baǵalandy. Aǵymdaǵy jyly 520 myń teńge somasyna 3 tulǵa.