Yntymaqtastyq artýda
Qazaqstan men Reseıdiń shekara mańy yntymaqtastyǵy qarqyndy damýda, dep habarlaıdy Almaty-akshamy.kz. Qazaqtv.com caıtyna silteme jasap.
Pandemıaǵa qaramastan, Astrahan oblysymen taýar aınalymy bıylǵy jyldyń alǵashqy jartysynda 8 mln 200 myń dollarǵa jetken. Aımaqta qazaqstandyq kompanıalardyń qatysýymen 34 kásiporyn jumys isteıdi.
Astarhan qalasynda Qazaqstannyń bas konsýldyǵynyń ashylýy osy baılanystardy tereńdetýge múmkindik beredi.
Bul áleýet osy kúzde Kókshetaýda ótetin aımaqaralyq yntymaqtastyq forýmynda qarastyrylmaq. Onda týrızm salasyndaǵy jobalarǵa nazar aýdarylmaq.
«Aqtaýda týrısik aımaq pen qonaqúılerdi damytý úshin kóp shara qolǵa alynyp jatqanyn bilesizder. Shahar reseılik týrıserdi qushaq jaıa qarsy alýǵa daıyn. Jýyq arada «Petr Velıkıı» týrısik laıneriniń qurylysy aıaqtalady. Ol Kaspıı teńizinde ár eldiń portyna qatynaıtyn bolady», - dedi Qazaqstannyń Reseıdegi tótenshe jáne ókiletti elshisi Ermek Kósherbaev.
Astrahan oblysynyń gýbernatory Igor Babýshkınniń sózinshe, ekijaqty qarym-qatynas jyl saıyn artýda eken.
«Qazaqstan men Astrahan oblysy arasyndaǵy qarym-qatynas jyl saıyn artyp, eki aradaǵy taýar aınalymy da ósip keledi. Aldaǵy ýaqytta da osy úrdisti jalǵastyrýǵa nıettimiz. Biz áriptesterimizben túrli saladaǵy yntymaqtastyq bolashaǵyn talqyladyq. Buǵan ónerkásip, óndiris jáne aýyl sharýashylyǵy, týrızm men mádenı almasý kiredi», - dedi ol.