Parıj Olımpıadasynda chempıon atanǵan Eldos Smetov jýrnalıs Dınara Sátjanǵa bergen suhbatynda alǵan syılyqtaryn kimge úlestirgenin aıtty, dep habarlaıdy aqshamnews.kz.
Mysaly, aqtóbelik tanymal kásipker Ánýar Mahanov Eldosqa 100 jylqy tartý etken.
«100 jylqyny týǵan ekinshi aǵam bar, soǵan beretin boldym», – deıdi Olımpıada chempıony.
Al Jambyl oblysynyń ákimdigi men jergilikti demeýshiler birigip Lexus LX 600 kóligin mingizgen.
«Ol kólik qazir úıde. Men ony ákeme syıladym», – deıdi sportshy.
Sondaı-aq sońǵy jyldary Smetovti qoldap júrgen Forbes tizimindegi bıznesmen Jumabek Janyqulov Mersedes kóligin bergen.
«Bul kólikti ózim júrgizemin. Nómiri meniń óner kórsetken salmaǵyma laıyqtalǵan (060), – deıdi chempıon.
Parıj Olımpıadasynyń jeńimpazy Jambyl oblysynyń Turar Rysqulov aýdanynda týǵan. Jerlesteri de oǵan Haval 6 kóligin mingizgen.
«Bul kólikti meni bes jasymnan bastap tárbıelegen, sportqa mahabbatymdy oıatqan Ahmet Jumaǵalıǵa syıladym. Ol kisiniń jasy qazir -74-te», – deıdi Eldos Smetov.
Sondaı-aq Jambyl oblysynyń ákimdigi demeýshilermen birlesip, bes bólmeli páter syılaǵan. Ol ózinde qaldy. Al demeýshiler bergen eki bólmeli páterin jeke bapkeri Ǵalymjan Jylgeldıevke tartý etken.
Jambyl oblysynyń dzúdo federasıasynyń prezıdenti arystannyń terisin bergen, ony sportshy dosyna syılapty.