Almatyda bastapqy medısınalyq-sanıtarlyq kómek kórsetetin emhanalar arasynda baıqaý jarıalandy. «BMSK kóshbasshysy» baıqaýyn Medısınalyq saqtandyrý qorynyń ońtústik astanalyq fılıaly uıymdastyryp otyr.
Habarlamaǵa súıensek, búgin bastalǵan baıqaý jeltoqsannyń 15-inde óz máresine jetedi. Oǵan Qormen jumys isteıtin 76 almatylyq emhana túgelge derlik qatysýy tıis.
«BMSK kóshbasshysy» - Qordyń jańa bastamalarynyń biri. Ol pasıent qamyn jeıtin, halyq densaýlyǵyn saqtaýǵa baryn salatyn úzdik emhanalardy anyqtap, medısınalyq kómek sapasyn jaqsarta túsýge yqpal etedi dep senemin. Sebebi qaı-qaısymyz da bas aýyryp, baltyr syzdaı qalsa emhanaǵa qaralamyz», - dedi Almaty fılıalynyń dırektory İlıas Muhamedjan.
Úzdik emhana MÁMS júıesinde saqtandyrylǵan azamattardyń úles salmaǵy, aryz-shaǵym sany, aqparattandyrý jumystarynyń júrgizilý deńgeıi men dıspanserlik esepte turǵan naýqastardyń shuǵyl túrde aýrýhanaǵa túsý faktileri syndy talaptar negizinde anyqtalmaq.
Baıqaý jeńimpazdary baǵaly syılyqtarmen marapattalady.