Nazarbaev Ýnıversıteti áli de búdjetke qol jaıyp otyr.
Nazarbaev Ýnıversıtetine júrgizilgen aýdıtten keıin qarjylyq "sheberliktiń" jańa qyrlary anyqtaldy. Qarjyny josparlaý tıimdiligi 73 mıllıard teńge kóleminde "jospardan tys" nátıje berse, qarjylyq buzýshylyqtar jarty mıllıard teńgege jetip otyr, dep habarlaıdy aqshamnews.kz
Májilistiń dálizinde Joǵary aýdıtorlyq palatanyń tóraǵasy Álıhan Smaıylov aýdıttiń nátıjelerimen bólise otyryp, ýnıversıtettiń basty problemasyn atap ótti: memlekettik qoldaýdyń teńdessiz kólemine qaramastan, ýnıversıtet áli de búdjettik "qaltanyń" qushaǵynda otyr.
97% qarjylandyrý búdjetten túse otyryp, "qarjylyq táýelsizdikke qol jetkizemiz" degen strategıalyq qujattaǵy armandardy jelge ushyrǵandaı. Smaıylovtyń sózinshe, bul másele ýnıversıtettiń "basqa kózderden" qarjy tabýǵa asa qulshynys tanytpaǵanynan týyndap otyr.
"Táýelsizdikke umtylýdyń ornyna, búdjetke baılanyp qalý — Nazarbaev Ýnıversıtetiniń negizgi problemasy. Qujat boıynsha olar búdjetke táýeldilikti azaıtyp, ózge qarjy kózderine arqa súıeýi tıis edi, biraq nátıje kerisinshe", — dep málimdedi ol.
Múmkin, ýnıversıtettiń "búdjettik qoldaý" sabaqtary tıimdirek ótip jatqan shyǵar? Álde táýelsiz qarjylandyrý — tek teorıalyq pán be? Qalaı desek te, aýdıt nátıjeleri bizge bilim men qarjynyń úılesim tabýy áli de arman ekenin kórsetedi.