Qazaqstannyń alty oblysynda kún raıyna baılanysty eskertý jarıalandy.
19 sáýirde Túrkistan oblysynyń batys, ońtústik jáne taýly, taý bókterindegi aýdandarynda naızaǵaı oınap, daýyl turady, dep habarlaıdy Almaty-akshamy.kz
Oblystyń soltústiginde, batysynda shańdy daýyl bolýy yqtımal. Soltústik-shyǵystan oblystyń soltústiginde, batysynda jáne taýly, taý bókterindegi aýdandarda jeldiń ekpini 15-20 m/s deıin jetedi.
Shymkentte 19 sáýirde naızaǵaı oınap, daýyl turady. Soltústik-shyǵystan soǵatyn jeldiń ekpini –15-20 m/s. Túrkistanda naızaǵaı, oınap, daýyl turady. Shańdy daýyl bolady.
Soltústik-shyǵystan soǵatyn jeldiń ekpini – 15-20 m/s. Kúndiz Soltústik Qazaqstan oblysynyń ońtústik-batysynan jel soǵady, ekpini 15-20 m/s-qa jetedi. Qaraǵandy oblysynyń ońtústiginde, shyǵysynda soltústik-shyǵysynan 15-20 m/s ekpinmen jel soǵady. Kúndiz keı jerlerde oblystyń ońtústik-shyǵysynda soǵatyn jeldiń jyldamdyǵy 23 m/s-qa jetedi.
Qyzylorda oblysynyń ortalyǵynda soltústik-shyǵystan 15-20 m/s ekpinmen jel soǵady. Atyraý oblysynyń batysynda ońtústik-shyǵystan soǵatyn jeldiń ekpini 15-20 m/s-qa jetedi. Almaty oblysynyń taýly jáne taý bókterindegi aýdandarynda ońtústik-shyǵystan jel soǵady. Naızaǵaı oınaǵanda jeldiń ekpini 17-22 m/s-qa, Jalańashkól aýdanynda 25 m/s-qa jetedi.