Qala turǵyndarynyń kóptegen suranysyna oraı 19 sáýirden bastap №59 marshrýtqa 14 jańa avtobýs shyǵarylady.
Buǵan deıin jolda júrgen toǵyz metrlik avtobýstardyń ornyna endi on eki metrlik jańa avtobýstar qyzmet kórsetetin bolady. Bosaǵan avtobýstar tanymal ári júktemesi joǵary ózge marshrýttarǵa jiberiledi, dep habarlaıdy Almaty-akshamy.kz
Birinshi jartyjyldyqtyń sońyna deıin barlyǵy 300 avtobýstyń jetkizilýi josparlanǵan. Olardyń barlyǵy tehnıkalyq daıyndyǵyna qaraı kezeń-kezeńmen marshrýttarǵa shyǵarylatyn bolady.
Qazirgi kezde ákimdik qaladaǵy ekologıalyq jaǵdaıdy jaqsartýǵa basymdyq berip otyr. Bul baǵytta ekologıalyq taza kólikterdi kóbeıtip, halyqtyń ómiri men densaýlyǵy úshin jaıly orta jasalyp, avtobýstardyń júktemesin azaıtyp, jolaýshylar aǵymyn arttyrýǵa baǵyttalǵan jumystar júrgizilip jatyr.