Ánshiniń jańa beınebaıany kórermenge jol tartty
«OMIR OTER» degen ataýmen shyǵatyn jańa mýzykalyq týyndy - adamnyń dúnıe esigin attaǵan sátinen bastap ómiriniń sońyna deıingi taǵdyryn obrazdy túrde beıneleıtin áserli joba. Daryndy ánshi alǵash ret óz ánin DIMASH DIGITAL SHOW onlaın-konsertinde oryndaǵan bolatyn, dep habarlaıdy Almaty-akshamy.kz QazAqparatqa silteme jasap.
Joba rejıssóri - Anna Oboıanskaıa. Ýkraınalyq maman Dımashtyń dekorasıa, kostúm, qıyn qoıylymdarsyz-aq keńistikti erekshe bolmysymen toltyrý qabiletin atap ótken bolatyn.
«Halqyna paıdasy tıip, bir armanyna jetse eken degennen týyndaǵan dúnıe. Árkim ártúrli qabyldaýy múmkin. Biraq bul klıptiń ishinde qazirgi kózqaras jáne burynǵy ótip ketken dáýirlerdegi tarıhqa kóz júgirtetin jastardyń bizge deıin de taý-tulǵalar ótip ketken, biz solardyń isin jalǵastyra alatyndaı urpaq bola alyp júrmiz be degen oıdy aıtatyn dúnıe», - dedi ánshiniń ákesi Qanat Aıtbaev.
Beıneklıp túsirilimi elorda tórindegi «Astana Opera» memlekettik opera jáne balet teatrynda ótti. Keıipkerlerdiń obrazdaryn elordalyq teatrlardyń jetekshi akterleri, jas ártister, elimizdiń eńbek sińirgen óner qaıratkerleri somdap shyqty. Túsirilimge qatysqan eń jas aktrısa nebári eki jasta.