Senat depýtaty Sergeı Ershov osylaı dep málimdedi, dep habarlaıdy Almaty-akshamy.kz.
Nysandar ótken ǵasyrdyń 60-70 jyldary salynǵan. Sáıkesinshe, olardy jóndeý kerek, tipti jańǵyrtý artyq etpeıdi. Úkimet Prezıdent tapsyrmasymen Sý kodeksiniń jobasyn ázirleýi tıis.
"Qoldanystaǵy qujat sý resýrstaryn saqtaýǵa jáne olardy tıimdi paıdalanýǵa múmkindik bermeıdi", - deıdi depýtat. Onyń sózinshe, jaýaptylar óz esepterinde eldegi sý qaýipsizdigin qamtamasyz etý boıynsha júıeli sharalar qabyldanyp jatqanyn aıtady. Alaıda jaǵdaı kerisinshe bolyp tur. Oǵan Batys Qazaqstan, Aqtóbe, Aqmola, Soltústik Qazaqstan jáne Qaraǵandy oblystaryndaǵy jaǵdaı dálel.