2023 jyldan bastap Qazaqstanda temeki ónimderine aksız stavkalary kezeń-kezeńimen ósedi.
Stavkalar 2023, 2024 jáne 2025 jyldarǵa bekitilgen, dep habarlaıdy Almaty-akshamy.kz.
QR QM Memlekettik kirister komıtetiniń málimetinshe, Salyq kodeksiniń 463-baby 4-tarmaǵynyń 1) tarmaqshasyndaǵy kesteniń 14, 15, 16, 18, 21 jáne 22-joldaryna ózgerister engizildi.
Fıltri bar sıgaretter:
- 2023 jyly – 14 100 teńge/1 000 dana;
- 2024 jyly – 15 900 teńge/1 000 dana;
- 2025 jyly - 15 900 teńge /1000 dana.
Sondaı-aq sıgarıllarǵa aksız stavkalary sıgaretter stavkalaryna teńestirilgen. Qyzdyrylatyn temekisi bar buıymdarǵa ólshem birligin kılogramnan danaǵa ózgerte otyryp, sıgaretterge aksız stavkasynyń mólsherinen 70 paıyz deńgeıindegi aksız stavkasy aıqyndaldy:
- 2023 jyly – 9 870 teńge /1000 dana;
- 2024 jyly – 11 130 teńge /1000 dana;
- 2025 jyly - 11 130 teńge /1000 dana.
Odan bólek, «Salyq jáne búdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasy Zańynyń 43-babyna ózgerister engizildi.
Elektrondyq sıgaretterde paıdalanýǵa arnalǵan kartrıjderdegi, rezervýarlardaǵy jáne basqa da konteınerlerdegi nıkotıni bar suıyqtyqqa stavka artyp:
- 2023 jyly – 53 teńge/suıyqtyq mıllılıtrine;
- 2024 jyly – 55 teńge/suıyqtyq mıllılıtrine;
- 2025 jyly – 55 teńge/suıyqtyq mıllılıtrine quraıdy.