Almatyda túngi ýaqytta azyq-túlik qoımasy órtendi.
Almaty qalalyq Tótenshe jaǵdaılar departamentiniń málimetinshe, 4 tamyz kúni saǵat 21:42-de órt sóndirý bólimsheleri Almaly aýdany, Muqanov kóshesi, 133 mekenjaıynda ǵımarattyń tútindeýi týraly shaqyrtýǵa shyqty, dep habarlaıdy Almaty-akshamy.kz QazAqparatqa silteme jasap.
«Saǵat 21:45-te (3 mınýtta) alǵashqy órt sóndirý bólimsheleri kelgen sátte azyq-túligi bar qoımanyń tútindep jatqany anyqtaldy. Órt saǵat 23:05-te oqshaýlandyrylyp, 23:24-te tolyǵymen joıyldy. Jalyn sharpyǵan aýmaq 600 sharshy metrdi qurady. Órttiń jaqyn mańdaǵy ákimshilik ǵımaratqa taralýyna jol berilgen joq. Qazir ottyń shyǵý sebebi anyqtalyp jatyr. Qaza bolǵandar men zardap shekkender joq», - dep habarlady qalalyq TJD-dan.