Bul ózgerister qyrkúıek aıynan bastalady.
Elde birneshe poıyzdyń nómiri men qatynaý baǵyty ózgerdi, dep habarlaıdy Almaty-akshamy.kz Elorda.info saıtyna silteme jasap.
Nur-Sultan - Shymkent baǵyty boıynsha:
- 1 qyrkúıekten bastap áleýmettik mańyzy bar kúndelikti №86/85 Nur-Sultan Nurly jol – Shymkent poıyzy;
- 1 qyrkúıekten bastap standartty vagondarmen jasaqtalǵan №71/72 Nur-Sultan-1 – Shymkent kúndelikti qatynaıtyn komersıalyq poıyzy taǵaıyndalady.
Sonymen qatar 5 qyrkúıekten bastap №71/72 poıyzdyń Nur-Sultan Nurly jol – Shymkent baǵytyndaǵy qatynasy ózgeredi.
Atyraý - Almaty baǵyty boıynsha:
- 1 qyrkúıekten bastap standartty vagondardan kún saıyn qatynaý kezeńdiligimen №29/30 Atyraý - Almaty-2 komersıalyq poıyzy;
- 3 qyrkúıekten bastap áleýmettik mańyzy bar №41/42 Almaty-2 - Atyraý poıyzy kún saıyn qatynaý jıiligimen taǵaıyndalady.
Basqa baǵyttar boıynsha:
- 5 qyrkúıekten bastap №10/9 poıyzdyń Nur-Sultan-1 – Almaty-1 baǵytyndaǵy qatynasy ózgeredi;
- 5 qyrkúıekten bastap №73/74 Almaty-2 – Jezqazǵan jedel poıyzy quramynda Talgo vagondary (standartty vagondardyń ornyna) kúnara jıiligimen júredi;
- 3 qyrkúıekten bastap №69/70 Almaty-2 - Óskemen-1 Talgo komersıalyq poıyzynyń júrisi toqtatylady.
Ulttyq tasymaldaýshy jolaýshylardan jol júrý qujattaryn (bıletterin) BILET.RAILWAYS.KZ saıty nemese «QTJ bıletteri» mobıldi qosymshasy arqyly onlaın resimdeýdi suraıdy. Qajet bolǵan jaǵdaıda temirjol bıletterin satyp alý úshin «Kútý paraǵy» fýnksıonalyn paıdalanýdy usynamyz. Sondaı-aq jolaýshylardan júrý jolynda jáne eldiń vokzaldarynda betperde rejımin saqtaýdy suraımyz, – delingen habarlamada.