Almaty qalasy Jastar saıasaty basqarmasynyń tapsyrysy aıasynda «Qazaqstan eriktiler lıgasy» qoǵamdyq qory qalanyń joǵarǵy oqý oryndary men kásiptik jáne tehnıkalyq bilim berý oryndarynyń stýdentterine arnap, Memlekettik jáne orys tilindegi debat qozǵalysyn damytý boıynsha jobany júzege asyrýdy bastady.
Joba aıasynda qalalyq debat ortalyǵy ashylyp, debat klýbtaryna qoldaý kórsetiledi. Bunymen qosa, ártúrli baǵaly syılyqtar oınatylatyn debat týrnırleri, oratorlyq jáne debat oıyndary boıynsha sheberlik saǵattary uıymdastyrylady jáne JOO men KjTBB mekemelerimen memorandýmǵa otyryp, áleýmettik, tárbıe jumysy jónindegi prorektorlarmen jumys atqarylady.
Atalmysh joba barysynda sheteldik debaterlarmen tájirıbe almasý, sheberlik saǵattary men týrnırlerdi de uıymdastyrylýy kútilýde. QR Rámizderiniń 30 jyldyǵyna oraı uıymdastyralatyn debat týrnıriniń ashylý saltanatyna Ǵylym jáne joǵarǵy bilim vıse-mınıstri, Elbasy akademıasynyń dırektory men Ulttyq debat federasıasy prezıdentiniń qatysýy kútilýde.
Sheberlik saǵatarynz osy salanyń bilikti mamandary men QR Prezıdenti janyndaǵy Memlekettik basqarý akademıasynyń, ártúrli oratorlyq sheberlikke, kópshilik aldynda sóıleýge úıretetin trenerler ótkizedi. Joba nátıjesinde qalamyzdyń debat klýbtary joq JOO-dary men KjTBB mekemelerinde klýbtar ashylyp, qala boıynsha 6000-nan asa stýdentter qamtylyp, amerıkalyq parlamenttik jáne brıtandyq parlamenttik debat damyp, sóz saptaýy, synı oılaý qabileti artyp, tulǵalyq turǵyda damı túsedi.