Elimizdegi bilim berý uıymdarynda «Birtutas tárbıe baǵdarlamasy» aıasynda «Hantalapaı» atty mektep jasyna deıingi balalarǵa arnalǵan ulttyq oıyndardyń respýblıkalyq baıqaýy ótti.
Oǵan 350 myńnan astam bala qatysty, dep habarlaıdy Almaty-akshamy.kz Oqý-aǵartý mınıstrligine silteme jasap.
Sharanyń maqsaty - ulttyq oıyndarǵa degen qyzyǵýshylyqty oıatý, qazaq halqynyń mádenı murasy men dástúrlerin dáripteý.
«Baıqaý aýdandyq/qalalyq, oblystyq jáne respýblıkalyq kezeńderden turdy. Mektep jasyna deıingi balalar ártúrli kóńildi oıyndarǵa qatysyp qana qoımaı, elimizdegi túrli ulttardyń mádenı murasymen jáne dástúrlerimen tanysty. Bul baıqaý halyq arasynda umyt bolǵan, ulttyq oıyndardyń jandanýyna yqpal etedi jáne pedagogterdiń kásibı sheberligin arttyrady», - dep atap ótti balalardy erte damytý ınstıtýtynyń dırektory Gúlshat Ońlanbekqyzy.
Baıqaý jeńimpazdaryna júldeli oryndarmen qatar kelesi nomınasıalar berildi:
•«Júzden júırik, myńnan tulpar»;
•«Altyn saqa»;
•«Úzdik oıynshylar»;
•«Belsendi oıynshylar»;
•«Tapqyrlar men eptiler»;
•«Úzdik uıymdastyrylǵan oıyn alańy».