Jattyǵýdyń birinshi kezeńinde bekettiń aýmaǵyn tazartý jáne tekserý júrgizildi.
Qazaqstandyq bitimgerlik rotanyń jedel áreket etý kúshteri ırlandıalyq áriptesterimen jaralanǵan adamdy evakýasıalaý boıynsha birlesken jattyǵý ótkizdi, dep habarlaıdy Almaty-akshamy.kz Qazaqstan Respýblıkasy Qorǵanys mınıstrliginiń baspasóz qyzmetine silteme jasap.
Dabylmen kóterilgen bólimshe tez arada Golan jotalarynda BUU mısıasynyń jaýapkershilik aımaǵyndaǵy bazadan birneshe shaqyrym jerde ornalasqan baqylaý beketine ketti.
Sodan keıin medısınalyq bólim jaralanǵan adamǵa jedel kómek kórsetti. Ol arnaıy jabdyqtalǵan brondy dóńgelekti kólikpen evakýasıalandy.
Qazaqstandyq bitimgerler mısıanyń jaýapkershilik aımaǵyndaǵy baqylaý beketterin kúsheıtýge jaýapty ekenin atap ótken jón. Qajet kezde olar evakýasıa da júrgizedi.