Keler jyldan bastap 4 mlnǵa jýyq adam deklarasıa tapsyrady.
Birinshi kezekte zańdy tulǵalardyń basshylary men quryltaıshylary, jeke kásipkerler men jubaılary mindetteledi. Bul týraly Qarjy vıse-mınıstri Erjan Birjanov Senattyń Qarjy jáne búdjet komıtetiniń otyrysynda aıtty, dep habarlaıdy almaty-akshamy.kz 24.kz-ke silteme jasap.
Deklarasıany turǵylyqty jeri boıynsha 2024 jyldyń 15-qyrkúıegine deıin «Salyq tóleýshiniń kabıneti», elektrondy úkimettiń veb-portaly nemese ekinshi deńgeıli bankterdiń mobıldi qosymshalary arqyly tapsyrýǵa bolady. 2025 jyly zeınetkerlerge, stýdentterge, úı sharýasyndaǵy adamdar men jeke qurylym qyzmetkerlerine kezek keledi. Sóıtip shamamen 6,5 mln adam qamtylady.
Erjan Birjanov, QR Qarjy mınıstriniń orynbasary: - Jeke azamat deklarasıa tapsyrar aldynda barlyq málimet kelip túsedi. Eger jeke tulǵa aıtsa, bul málimet eski nemese durys emes dese, ony alyp tastaýǵa múmkinshiligi bar. Bizde avtomatty túrde 80 elmen aqparat almasamyz. Birinshi aqparatty bıyl aldyq. Sol aqparatty óńdeý arqasynda búginde 568 azamatqa habarlama jiberip, 3 mlrd-taı somany búdjetke óndirip aldyq jeke azamattardan.